THE STEAK HOUSE winebar + grill (已結業)

如果我以性价比黎评论呢度嘅Chocolate Fondant，我够胆话呢个系全城最强嘅心太软，如果你话我浮夸？Come on！试过先至再下判定吧！厚厚嘅朱古力蛋糕包住浓浓嘅朱古力浆，用刀将心太软切开，浓香丰厚嘅朱古力尤如火山岩浆流出...再加埋云呢拿雪糕同埋香滑嘅云呢拿汁，实在令人津津乐道呢！除左蛋糕面上嘅雪糕球外，另外再奉上香滑嘅云呢拿汁，够晒体贴～一班朋友齐齐分享，个个都食到赞不绝口！一个$130，份量够你十个人分，绝对系超级抵食啦！试问全城仲有边度，可以食到咁美味又咁抵食嘅心太软呢？