Rainbow Bistro (已結業)

衬依家天气仲系比较清凉，我哋决定抓住冬天尾巴，去元朗拍拖踩单车。做完运动有啲饿，当然要补充体力同空虚嘅胃！还车嘅地点邻近朗屏西铁站，揾揾下就见到呢间门口相当抢眼嘅Rainbow Bistro，决定坐低试下，会唔会感受到「你的爱就像彩虹」？焗蚝我哋头盘叫咗焗蚝，焗蚝用咗芝士同埋明太子作调味，两个调味料嘅味道都非常有个性，但又非常配合，绝对唔会抢咗蚝嘅鲜甜，好鲜味嘅头盘。慢煮猪炒蘑菇厚切嘅猪肉口感十足，慢煮后keep住肉汁，再配上秘制酱汁，画龙点睛，十分惹味！配菜份量非常丰富，除咗有炒蘑菇之外，仲有车厘茄同四季豆，份量十足。All day breakfast依度嘅All day breakfast有烟三文鱼、猪肉肠、烟肉、炒蛋、薯饼、沙律菜、蒜蓉包同焗豆，啱晒贪心嘅你呀。其中，薯饼新鲜炸起，卜卜脆，真系好满足！冻特浓朱古力 + 冷萃茶冻特浓朱古力，一啲都唔会太腻，甜度适中，好满足！另外，冷萃茶就好清新，绝对系解渴之选。By A姐M佬玩乐日记 aandmdiary.com