一寿司料理 (已結業)

因为有同事离开，所以公司齐齐同佢搞Farewell，因为都有差唔多廿几个人，所以我哋经已一早等位，不过准时到达都要等左成三四个字。入座后店员好亲切咁即刻先放底一盘唔算太多嘅刺身比我哋（因为我哋太多所以有两盘），应该系比我哋一开头点野落单个时食，个人嚟话系香港都系第一次遇到，算系一个几亲切嘅设定，值得加分。去食日式放题梗系要点啲开胃小食先，我就要咗个日式茶碗蒸，上面有几粒飞鱼子，老实咁少真系吊唔到咩味，不过啲蛋汤味几浓，算系几好食。之后梗系要食刺身，因为我哋咁多人所以数量都落得都几多下，不过当然佢唔会理我哋，加上佢哋好似无巨型器皿，所以一多款式就每样都好少。讲翻质量，D刺身睇过就几靓，但一食真系不外如是，无鲜味可言，虽然都食得出我食紧嘅系咩鱼，不过就真系无咩味道可言，仲有少少雪味。话明一寿司，嚟到无理由唔试寿司，点知一睇，竟然连常见嘅「花之恋」都无，款式都比较少，最多就系火炙寿司，真系叫人情何以憾。不过整体上都算合格，比刺身好，不过当然同平时嘅手握寿司无得比啦，饭完全无醋香。不过最「惊喜」嘅，就系熟食款式数量比日式食品多得多，不过绝大部份味道都......相当强差人意.....真系雷味甚