八沢 (已結業)

你好，我系M佬！打嚟系想同你讲，你知唔知道有人挂住你呀？佢话自从𠮶次见完你就念念不忘，好想再咬下你搽咗忌廉Cream嘅幼滑肌肤，充满弹性，同埋阵阵黑松露香水味。边个会用黑松露香水㗎？仲有边个咁变态想咬人？𠮶个变态嘅系A姐，不过佢只系想再去上环八沢食黑松露忌廉海鲜乌冬。黑松露忌廉海鲜乌冬就系呢个乌冬啦，A姐好钟意𠮶个好Creamy嘅忌廉汤底，加埋黑松露，真系香到无朋友。乌冬煮得啱啱好，唔会太腍，烟韧得嚟又索晒𠮶汤底，又弹牙又滑嘟嘟！带子大大只，加埋三文鱼，份量十足。黑安格斯肉眼牛扒饭卖相类似日式便当，黑安格斯肉眼烧到外面香脆，有少少焦，不过又能够保持里面嘅肉汁，正。加埋个特制蒜蓉烧汁，甜甜地，点牛扒同捞饭都一流。牛舌虽然唔系拣厚切，不过都好厚身，口感丰富，加埋黑椒，好香口。鸡翼烧鸡翼，我自细钟意食。盐烧鸡中翼，香脆惹味。猪颈肉猪颈肉一向油脂丰富，烧完之后，充满油香，正。（记住Like同Share畀朋友）