日日香鵝肉飯店 (黃埔新邨) (已結業)

日日香红磡分店装修好靓，企理干净，真心觉得呢间食店系一个人打冷既好店。有时好想打冷，但两个人都食唔到咩既时候一个人更无可能。今次叫左个鹅片濑粉包粗热饮，鹅片都有六块，仲有猪肉片、豆卜同酸菜，价钱仲好抵（$80），仲可以加返个卤水油菜。鹅片部位肥瘦适中，味道亦都好香好食。今晚同朋友一齐食，仲可以叫埋其他小食Share，细细碟仲可以试多几款，特价嘅$18卤水豆腐好入味，个人推荐红肠同墨鱼🦑，大大碟一啲都唔孤寒，卤水味道做得好好，唔会过咸。跟餐仲可以加$38叫个炖汤，而家天气冻冻地，暖下胃啱啱好！