影片
更多
2018-02-23
969 浏览
话说尖沙咀有一间专门食大阪烧、广岛烧同文字烧嘅专门店一直人潮涌涌，小妹次次去亲都要等到天荒地老流连在摩天轮，所以好多时都放弃，依家终于开咗几间分店疏导吓啲人，唔使等咁耐，小妹终于食到啦！小妹对于黏笠笠嘅饭冇乜兴趣，所以放弃咗文字烧，大阪烧又冇乜特别，反而觉得广岛烧比较讨好，多菜，有啲豚肉同炒面，所以就叫咗一个广岛烧（＄９８），小妹同朋友两个人分享一个广岛烧，感觉都几饱，所以＄９８一个真系好抵！由于呢度系自己整，所以你可以跟餐厅嘅专业指引整，亦可以凭感觉自己ＤＩＹ。小妹识食唔识整，就惟有叫店员示范，而店员亦好Ｎｉｃｅ，非常乐意效劳，呢点值得赞呀！以下菬嚟有店员亲身示范完整嘅制作广岛烧过程，大家快啲参考吓学整喇！首先就系用粉浆整个底，要剩番粉浆备用，千祈唔好落晒。然后放上干海鲜饼、葱等材料喺个粉浆上面。再放上椰菜同豚肉，叠高。之后淋上一层粉浆。然后就系考大家臂力同智力嘅时间… …将成旧嘢反转嚟烧，底变面。反转之后就塑好个形。塑好个形之后就炒面，记得要淋上店内秘制甜酱油。炒完面之后就将啲面放上个烧上面。之后就煎蛋饼。煎好之后就放喺啲面上面，一层一层咁，愈叠愈高。再淋上酱汁同加啲沙律酱就大功告
小妹对于黏笠笠嘅饭冇乜兴趣，所以放弃咗文字烧，大阪烧又冇乜特别，反而觉得广岛烧比较讨好，多菜，有啲豚肉同炒面，所以就叫咗一个广岛烧（＄９８），小妹同朋友两个人分享一个广岛烧，感觉都几饱，所以＄９８一个真系好抵！由于呢度系自己整，所以你可以跟餐厅嘅专业指引整，亦可以凭感觉自己ＤＩＹ。小妹识食唔识整，就惟有叫店员示范，而店员亦好Ｎｉｃｅ，非常乐意效劳，呢点值得赞呀！
以下菬嚟有店员亲身示范完整嘅制作广岛烧过程，大家快啲参考吓学整喇！
首先就系用粉浆整个底，要剩番粉浆备用，千祈唔好落晒。
然后放上干海鲜饼、葱等材料喺个粉浆上面。
再放上椰菜同豚肉，叠高。
之后淋上一层粉浆。
然后就系考大家臂力同智力嘅时间… …将成旧嘢反转嚟烧，底变面。
反转之后就塑好个形。
塑好个形之后就炒面，记得要淋上店内秘制甜酱油。
炒完面之后就将啲面放上个烧上面。
之后就煎蛋饼。
煎好之后就放喺啲面上面，一层一层咁，愈叠愈高。
再淋上酱汁同加啲沙律酱就大功告成喇，是未好简单呢？大家可以试吓郁手自己做广岛烧架！
除咗啲烧之外，大家仲可以烧吓肉（猪五花＄４８），食吓野菜蒸（＄４８）咁，有得玩，又有得食，价钱又唔贵，好值得大家试吓！
张贴
