小茶屋 (已結業)

见到做买一送一，但铺内职员应该唔多开心啦。现场目测十几人左右排队，等拎野饮的人不多，见好多人见等杯野至少半个钟以上，都周围行下，间唔中返黎问下，见仲未有又出去行下。买杯野由排买飞到拎野饮等左45分钟，听到有人闹等左个半钟先有野饮。由买飞到出野饮成个过程都好似唔想做咁，叹慢版。见到好多人见现场情况同听到店内人讲等劲耐先有，都选择放弃唔买。请左啲咁嘅倒米员金真心为老板感到担心。希望老板检视下职员工作态度，否则影响生意及店舖形像。若非做买一送一，应该都无人愿意会为左杯野等成个钟吧。而且杯野亦未至于好饮到要为佢等成个钟。罐装系几得意，味道正常。如非等咁耐，下次经过都会再帮衬，但为左佢等近成个钟就不值了。