香港永年車仔麵茶冰廳

营业中

休息中

今日黎到，唔系食佢最出名既车仔面，反而系试下佢新出既铁板餐。美国极佳级封门柳铁板餐 $228包餐汤同饮品，我加左$15饮酥皮汤。酥皮汤即叫即整，所以需要等一阵，佢焗得岩岩好，酥皮够脆，汤都足料。封门柳肉味浓郁，虽然肉纹比较粗，但都好嫩好柔软。好细心垫左洋葱🧅系底，以防铁板加热时，牛会变得过熟。铁板餐仲有加配小食优惠，$68任选2款，我地简左怀旧虾多士同黑芝麻西多士伴云呢拿雪糕。几欣赏佢呢到既炸物，好脆，但又唔会感觉好油。黑芝麻西多士系流心架，芝麻馅好丰富，加埋雪糕食，邪恶但好正。韮菜猪红 $26我觉得小辣已好足够同惹味，猪红够入味，推荐😋整体都唔错，估唔到铁板质素都几好，夜晚黎，可能要等一等位，不过佢坐位算多，所以好快都有位。