影片
更多
2019-08-26
670 浏览
两年前已经有留意呢一间餐厅。 佢个名标榜「分子」同「料理」, 但系佢个门面同格局，系一间茶记。 反差大嘅地方，都唔只系呢一点。 我睇返食评，评价两极，一系激赞一系就劲弹。 曾经有报道访问过呢个老板，原来佢系一个前五星级酒店嘅总厨，有名有姓。 照计慕名而来嘅人应该络绎不绝，但系我每一次经过，入面都系冇人。反差之大，令我按耐不住好奇心,今晚终于单枪匹马去咗试一试。 心谂，就算中伏都系一次啫。望一望个餐牌，选择唔算多，但价钱都好实惠。我一个人又食唔得太多，就精选咗两款我觉得最值得试嚟试。 我拣咗牛筋腩陈村粉套餐（送翅汤娃娃菜同豆浆）同鸡丝翅。等咗冇耐就上菜。食物卖相对版。 个翅真材实料，食到好香的金腿丝， 最难得嘅系全店食物无鸡粉味精。 酒楼𠮶啲上汤浆糊翅食得多，但系呢个冇鸡粉冇味精但系又酒楼咁嘅水平嘅翅我就真系第一次食。价钱好实惠，只是七十蚊一碗，食完唔口干，证明佢真系冇落味精。可以选择鱼翅捞饭，但系我唔想食咁多淀粉质，就咁要咗碗翅，如果想要埋饭就加多五蚊。个牛腩陈村粉值得一赞！牛筋腩唔算惊为天人但系好食。垫底的陈村粉好爽滑，吸晒啲牛腩汁，又热辣辣非常好食。亮点就系佢台面有一罂豆瓣酱，一食
反差之大，令我按耐不住好奇心,今晚终于单枪匹马去咗试一试。 心谂，就算中伏都系一次啫。
望一望个餐牌，选择唔算多，但价钱都好实惠。我一个人又食唔得太多，就精选咗两款我觉得最值得试嚟试。 我拣咗牛筋腩陈村粉套餐（送翅汤娃娃菜同豆浆）同鸡丝翅。
等咗冇耐就上菜。食物卖相对版。 个翅真材实料，食到好香的金腿丝， 最难得嘅系全店食物无鸡粉味精。 酒楼𠮶啲上汤浆糊翅食得多，但系呢个冇鸡粉冇味精但系又酒楼咁嘅水平嘅翅我就真系第一次食。价钱好实惠，只是七十蚊一碗，食完唔口干，证明佢真系冇落味精。可以选择鱼翅捞饭，但系我唔想食咁多淀粉质，就咁要咗碗翅，如果想要埋饭就加多五蚊。
个牛腩陈村粉值得一赞！牛筋腩唔算惊为天人但系好食。垫底的陈村粉好爽滑，吸晒啲牛腩汁，又热辣辣非常好食。亮点就系佢台面有一罂豆瓣酱，一食就知道一定系自家制，酸酸香香，好正！一定要捞埋陈村粉一齐食。
佢一个陈村粉嘅餐有一个翅汤娃娃菜配一杯豆浆，都只不过45蚊，呢个系全日套餐嘅价钱。请问仲有啲乜嘢可以挑剔呢？
今日系闲日夜晚，同一条街嘅火锅店同打冷都坐满人，但系呢间舖头仔就得我一台客。呢度食物嘅价钱同质素绝对值得有更多捧场客。
唔好俾佢嘅空荡荡吓退。鼓起勇气行入去，你会有意想不到的收获。
张贴
