影片
更多
2014-11-20
3165 浏览
再次来呢到食饭，同一地点同是生日饭，不过上次系我的生日饭，其实本来想去咖啡弄的，但我地等左一阵，有店员用普通话讲而家排队的都可能会冇位，因为每枱限食９０分钟，相信佢都点算过吧......咁我地就无谓再等啦，系临急临忙要拣过另一间食饭，佢第一时间就问去返美丽华食过果间好冇喇！？哦.....都ＯＫ吖，就系咁就返来了。记得上次食我地有Book位的，我地1930来到好彩都有位，相信系因为平日易揾位啦！呢晚我地坐左系近正门的另一边，都系近商铺的，其实我系觉得呢到比较贵，不过以呢间Caffè HABITŪ九龙分店来睇，美丽华算系较静，倾得下环境较好喇，生日饭贵少少都ＯＫ嘅。呢晚我地２人点了以下野食：① 爱尔兰咖啡 Irish Coffee ($58)② 朱古力咖啡 Caffe Mocha (Grande $48)③ 青苹果合桃火箭菜沙律 Green Apple, Rocket & Walnut Salad ($68)④ 香辣肉酱焗双色粟米片 Blue and Gold Nachos ($82)⑤ 英式炸鱼薯条 Beer-Battered Fish n' Chips ($130)Total：$386
咁我地就无谓再等啦，系临急临忙要拣过另一间食饭，佢第一时间就问去返美丽华食过果间好冇喇！？哦.....都ＯＫ吖，就系咁就返来了。
记得上次食我地有Book位的，我地1930来到好彩都有位，相信系因为平日易揾位啦！
呢晚我地坐左系近正门的另一边，都系近商铺的，其实我系觉得呢到比较贵，不过以呢间Caffè HABITŪ九龙分店来睇，美丽华算系较静，倾得下环境较好喇，生日饭贵少少都ＯＫ嘅。
呢晚我地２人点了以下野食：
① 爱尔兰咖啡 Irish Coffee ($58)
② 朱古力咖啡 Caffe Mocha (Grande $48)
③ 青苹果合桃火箭菜沙律 Green Apple, Rocket & Walnut Salad ($68)
④ 香辣肉酱焗双色粟米片 Blue and Gold Nachos ($82)
⑤ 英式炸鱼薯条 Beer-Battered Fish n' Chips ($130)
Total：$386
10% Service Charge Total = $426
右：说真的，饮过多间有＜爱尔兰咖啡＞的店，Caffè HABITŪ的水准系最平均分量最适中，咖啡味同酒味都均等，真系好饮，每次来到呢到就算有新款coffee，但我都只会拣 Irish Coffee 架咋。
左：佢拣左＜朱古力咖啡＞，我都试左Ｄ，朱古力味极浓，根本就似一杯冻朱古力，冇咖啡味，如果当一杯朱古力来饮就好，当咖啡嘅话....加多一份Espresso会好Ｄ。
我地拣嘅＜青苹果合桃火箭菜沙律＞最快到，成碟都好翠绿，中间加点车厘茄红几靓仔，火箭菜好新鲜，我地都好钟意食；青苹果片爽脆微酸配黑醋槛榄油汁几好味，合桃份量唔算多，刚好吧，最估唔到会有蓝芝士，同合桃同食又几夹。
好快就到＜香辣肉酱焗双色粟米片＞，份量都几大，有原味同蓝粟米片，我就钟意蓝粟米片多Ｄ，因比较厚硬且脆，黄粟米片就薄Ｄ；顶层２款酱系Cream Cheese及牛油果酱，２款都好味，但我较钟意Cream Cheese，滑Ｄ；中间一层厚厚溶了的芝士在香辣肉酱上，热热的系好味嘅，只系食到碟底见到有一阵油，令在底层的粟米片淋哂就要扣少少分了...。
点菜到上枱15分钟后到的＜英式炸鱼薯条＞，真系即叫即炸，上枱热辣辣！原来我地都系第一次食 fish and chips，金黄色炸得好靓呀！２件炸鱼柳大大件，表面层炸粉唔厚且脆但冇鱼味，咁一定会油腻架喇，不过尚可接受；我就觉得粗薯条比炸鱼好食，正！
Caffè HABITŪ the table尖沙咀弥敦道132号美丽华商场B1017号舖
T: 3572 0846
张贴
