Mini Club (已結業)

今朝一早己经接到太太来电，话等我放工后去铜锣湾买啲过年去旅行的用品，因为今年屋企人搅咗𠮶新年旅行，放工前先打电话约定太太系铜锣地鉄站等，见面后佢提议系崇光百货公司行吓先，但行咗个几钟都冇乜收镬，我话不如食饭先啦，就系附近骆克驶一楼有间西餐厅Mini Club ，因为系楼上舖，所以唔使点样等位，侍应俾咗𠮶卡位我地，摆底餐牌又推介有乜好嘢比我地，太太㨂咗一个， 24个月黑毛猪火腿胖芝士拼， 一个法式龙虾汁海鲜扁意粉，呢𠮶扁意粉，太太十分喜欢，龙虾汁味浓，重有佢钟意食嘅青口，我要咗个极上12安士炭烧安格斯牛仔骨，肉烧得好香，好冧，配埋𠮶自家制酱汁，味道提升唔少，另外加多一个韩式酱烧安格斯牛柳粒，呢个安格斯牛柳粒，就比较有啲咬口，沾埋个韩式酱，都o K，跟住要咗两杯鸡尾酒一杯系Sunset/glass另一杯系Perfume of Roses /glass，呢两杯鸡尾酒，外观好靓，但酒味唔算太浓，啱哂我俩公婆不太饮得之人，跟住叫埋个甜品系HH The Love of Eiffel，呢𠮶甜品，外型做到成个巴黎铁塔咁，分咗两层放置多款小甜品，味道各有不同，太太超钟意，话下次一定要再来。