佳佳甜品

营业中

休息中

有几间老字号大家都经常推荐，小时候都系常客，好似合都成啊、地茂馆、佳佳、源记咁。尤其是佳佳，红到海外，而家食到嘅机会更少，太长人龙我一定调头。难得喺附近晚饭又未够钟 ，系先食糖水后食饭啦。佳佳由旧时巷仔位到而家开埋去台湾，除左本地人喜欢，都系游客之选，喺门外不难见到揸住旅游书嘅客人，都算系排队美食。餐牌供应中式糖水，红、绿豆沙雪耳、芝麻糊、杏仁露、合桃露、汤丸、蕃薯糖水、杨枝甘露等，定价$20/22/32，配料可加鸡蛋、蕃薯、汤丸。宁波姜汁汤丸 $20 宁波汤丸较细粒，一碗8粒，当然啦比起十几年前点都冇咁姜，但点都依然比其他糖水店优胜！姜汁浓厚，除左辣，仲有种甜味中和，食完超暖身，寒底人士必食。汤丸皮薄馅靓，烟韧软熟，芝麻馅甜啲，但一咬就咇出黎，画面很疗愈一口一粒，廿蚊碗都算超值，尤其是最近我地常踩雷，食左太多fail的汤丸。补脑合桃露 $22合桃露生磨，口感较raw，唔会滑溜，但亦不粗糙，淡淡合桃味，甜度较低，又系抵食。