影片
更多
2015-06-05
1520 浏览
晌屯门三圣村叹完海鲜，食埋个美心Line Friends蛋糕，一班死佬话饱话饱，咪又喺专登揸程车落去元朗食B仔凉粉 。因为今次食海鲜拣头轮，食完未够8:30pm，所以，去到「佳记」九点未够，等位嘅人唔多，我哋都喺等咗几分钟，老板就安排咗张三连枱俾我哋 。除B仔凉粉，「佳记」仲有唔少招牌嘢，今次都睇准埋个榴梿糯米卷！虽然话门外等位唔多，但铺内依然坐满人。不过，攞位期间都发生咗段小插曲，因为我哋成13个人，兼大部份人有番咁上下身形，真喺要3张枱先够坐。老板先安排咗两张，而另一张有个后生仔坐紧，无点嘢，一个人霸住成张枱，话啲朋友嚟紧，即时被老板闹啦 ，叫佢齐人先再俾枱佢。讲真，「佳记」啲客流量超快，个个食十零廿分钟就走，使唔使咁自私霸住啲枱呀 ！ B仔凉粉 $72 对照旧年嘅食评，事隔一年多，都只喺由$70加到$72，绝对温和，对番啲相，份量一样咁大堆头，唔会有种加你少少钱，但减去多多份量嘅揾笨现象 。唔使多讲，一定B仔凉粉x3先够我哋食，与其叫嚟食饭后甜品，我就觉得喺食饭后果喇。一排3大兜B仔凉粉，香蕉、奇异果、水蜜桃、蜜瓜、哈蜜瓜、西瓜、大树菠萝、椰果、芦荟、木瓜、龙眼
除B仔凉粉，「佳记」仲有唔少招牌嘢，今次都睇准埋个榴梿糯米卷！
虽然话门外等位唔多，但铺内依然坐满人。不过，攞位期间都发生咗段小插曲，因为我哋成13个人，兼大部份人有番咁上下身形，真喺要3张枱先够坐。老板先安排咗两张，而另一张有个后生仔坐紧，无点嘢，一个人霸住成张枱，话啲朋友嚟紧，即时被老板闹啦 ，叫佢齐人先再俾枱佢。讲真，「佳记」啲客流量超快，个个食十零廿分钟就走，使唔使咁自私霸住啲枱呀 ！
B仔凉粉 $72 对照旧年嘅食评，事隔一年多，都只喺由$70加到$72，绝对温和，对番啲相，份量一样咁大堆头，唔会有种加你少少钱，但减去多多份量嘅揾笨现象 。
唔使多讲，一定B仔凉粉x3先够我哋食，与其叫嚟食饭后甜品，我就觉得喺食饭后果喇。一排3大兜B仔凉粉，香蕉、奇异果、水蜜桃、蜜瓜、哈蜜瓜、西瓜、大树菠萝、椰果、芦荟、木瓜、龙眼、菠萝堆到满一满，缤纷七彩，实在有啲气势 。估唔到大树菠萝咁受欢迎，小弟一粒都抢唔到，但点都好，淋上大量花奶，凉粉夹生果，食起嚟香夹滑。
B仔凉粉
$72
47 浏览
2 赞好
0 留言
芒果糯米卷 $36 原本喺想试榴梿糯米卷（$42），可惜乜榴梿产品都无，退而求其次就喺芒果糯米卷。一盒有6件，橙色糯米皮本身已加入芒果汁去做，入口又烟烟糯糯 ，再卷住大大嚿原条芒果肉，芒果嘅香味实在澎湃香甜 ，而外层沾满椰丝，椰香成为出色嘅衬托配角。
芒果糯米卷
$36
119 浏览
5 赞好
0 留言
清晒3大兜B仔凉粉，大家都撑住肚皮走，真真正正满载而归，皆大欢喜 ，而今夜嘅死佬饭局，又至此结束，要等下回再有大局，期间有时间就搞住啲细局先 。
张贴
