泰道 (已結業)

呢排天气好返啲，就约左朋友去玩stand up paddle，一返上岸就俾岸边呢间大大间既泰国野吸引住～室外有有太阳伞既露天茶座，可以边望海望食野，几好view，有渡假既感觉餐牌设计好清晰，图文并荗上菜速度快，落单后十分钟内已经新鲜热辣上枱。泰式炒金边粉 即叫即炒，配料丰富，如图所见蛋、芽菜同豆腐都好多，大虾碌都有六七只。但油腻左啲，口感偏向湿润，唔够获气。青咖喱鸡 用既系鸡脾肉，唔系鸡件，无骨易食，肉质嫩滑。味道适中，有椰香，可以再辣啲。烤薄饼 有咖哩当然要配薄饼。薄饼口感酥化，牛油味香浓。炸软壳蟹柚子沙律 正当我地好奇梗沙律点解反而最后上既时候，谜底终于解开原来软壳蟹系即炸，外壳金黄香脆，内里肉质软嫩。柚子沙律酸甜多汁，味道带微酸而不涩，食落好清新，腰果多而大粒口感丰富虽然价钱比正常泰国野贵，但份量大、质素高，员工态度亦好好，会主动关心菜式岩唔岩客人口味，下次再黎西贡定必再试。