拉麵來 (已搬遷) 新店位置

今日去完旺角Sony Store买嘢，去完波鞋街打个转，等埋女朋友收工，就系黑布街食埋晚饭。拉面来其实我成日经过都想去食嫁喇，今日难得女朋友无意见，就紧系话去食拉面啦。有机豆乳担担冷面冻嘅拉面真系比较少见，天气咁热、再加上系担担面，所以吸引咗我叫依个面。个汤唔辣，而且仲有阵阵麻酱嘅香味。青瓜丝、冻滑豆腐令个面食落更加清新。可能因为冷面嘅关系、面亦陪感弹牙。鲜鲷鱼鸡白汤拉面依个限定嘅拉面，鸡白汤配上鲜甜美味嘅鲷鱼肉。鲷鱼肉好似一球雪糕球咁系碗面度。鸡白汤汤味香浓，每一口面都吸收哂汤嘅味道。两块猪肉叉烧大块之余仲肥瘦适中。另外再加埋只味付玉子，整个鲜鲷鱼鸡白汤拉面非常好完美。鸡皮春卷鸡皮薄薄无肥膏、绝对啱哂啲想食又怕肥嘅朋友，鸡皮春卷嘅鸡皮炸到脆卜卜，里面嘅馅仍然鲜嫩多汁。再点埋店家调配嘅酱汁，好好味。广岛吉列炸蚝配薯仔沙律吉列炸蚝表面香脆，内里嘅蚝保持鲜味。配角嘅薯仔沙律绝对唔比主角嘅炸蚝差。薯仔沙律味道好好，而且系薯蓉同薯仔粒伴匀，令薯仔沙律更有口感。嘴对嘴脆炸蒜香墨鱼咀炸得好香口，软硬适中，而且渗透住淡淡嘅蒜香。