Oliver's Super Sandwiches (已結業)

喺形点一期睇完戏，走去形点二期揾食，形点二期都有好多选择，最后拣左呢间位于二期一楼嘅 Oliver's Super Sandwiches。点咗挪威烟三文鱼·蚬肉扁意粉配刁草忌廉汁，饮热即磨咖啡 ($62）及黑松露牛肝菌忌廉蘑菇扁意粉，饮港式伯爵奶茶($74)。烟三文鱼蚬肉扁意粉 - 意粉软硬度适中，配料及酱汁份量足，刁草味道比较淡，整体食落味道比较淡，比较适合喜欢清淡嘅人仕。黑松露牛肝菌忌廉蘑菇扁意粉 - 意粉软硬度适中，松露同埋牛杆菌嘅味道浓郁得嚟又几均衡，加上爽口嘅蘑菇，我就觉得几好食。热即磨咖啡 - 咖啡味香浓，但系奶味唔够，后尾去吧台要求加返少少牛奶之后比较好饮。港式伯爵奶茶 - 茶味层次比较单薄，牛奶味亦唔够，普通货色。整体感觉，座位都几舒适，以呢个价值嚟讲，喺形点二期都算系其中一个选择。