NUTTEA (旺角中心第一座) (已結業)

今日同朋友嚟葵芳广场行街，当然又系周围扫街嘅时候啦。食咗少少嘢之后，就嚟到Nuttea买杯嘢饮边行边饮，我同朋友都好钟意饮呢度嘅坚果奶，因为好饮又健康。🍓粉红莓坚果奶🥛因为头先食咗少少嘢，怕太heavy，所以冇点到奶盖，就拣咗呢杯粉红莓坚果奶。一如既往，满满的一杯，柔和嘅粉红色好靓。饮落去有少少杰身，有士多啤梨嘅甜味，又有啲坚果嘅独有香味，味道好得意。饮下饮下，唔觉唔觉，其实都饱饱地，所以我觉得Nuttea系好适合行街饮，方便快捷健康又饱肚🥑牛油果坚果奶🥤朋友比我更健康，拣咗呢杯牛油果坚果奶，佢话牛油果嘅饮品平时唔系度度都有，见到就唔放过。而呢一杯嘅质地更加杰身，当然系因为牛油果嘅关系。我试咗一啖，第一次尝试牛油果嘅饮品，意想不到地同坚果奶都几夹！