新樂園魚蛋粉

营业中

休息中

放假懒得煮饭，决定落街揾嘢食，呢间《新乐园鱼蛋粉》都唔系第一次帮衬，有时冇胃口食饭，多数嚟呢度吃碗粉面。街坊小舖，面积细细，冇乜装修可言，不过都算干净企理。餐牌上嘅选择，亦同一般粉面店差唔多。今日我叫咗碗牛杂河 ($29)，转头即上枱，先呷一口汤，汤头尚算鲜甜，味道唔错。牛杂份量唔算多，不过都有牛肠、牛膀、牛肺、金钱肚等，最紧要系洗得干净冇异味。河粉都算爽滑，我多数会加一点辣椒油，滋味即时提升好多。我好快咁KO完碗河粉就闪人，简简单单，速战速决又一餐。