漁舍酸菜魚 (已結業)

食晏时间，同事话想有啲新意，提议不如去公司附近嘅北角汇渔舍食四川麻辣菜，我哋当然举脚支持啦🤟🏼🤟🏼▶️嗌［川味辣子鸡］就一定冇错，超有镬气嘅味道，食得出厨师用咗大量嘅干辣椒同埋香料快炒而成，花生绝对系画龙点睛，升华咗成碟辣子鸡嘅香气💨▶️想湿湿个口，所以叫咗碗［水煮牛肉］，麻辣嘅水煮汤刺激味蕾，食到流晒鼻涕都仲想继续食，欲罢不能🥲▶️同事话［椰香BB鸽］系一定要叫，仲要每人一只先够喉，因为呢只炸乳鸽先用椰青水腌过，所以隐约会食到淡淡的椰味，味道零舍丰富👍🏻虽然已经好饱，但都想食埋［川式凉皮］，清凉解腻嘅凉皮可以中和辣子鸡同水煮牛肉嘅浓味，作为一餐之结实在系唔错，食饱又继续有能量工作lu~~