影片
更多
2018-07-14
82 浏览
喺尖沙咀有唔少高质嘅日本餐厅，喺呢头觅食咁多次，大部分都系好高质素，无乜点试过中伏， 今次呢间简直系可以bookmark定再返啅。 一入去已经见到充满日本居酒屋风格嘅装修与摆设，成个环境同格局真系好似去咗日本咁，吧台附近有一系列嘅大灯笼真系几别致。喺灯笼下面食嘢，柔和嘅灯光照住，真系别有一番风味。而且有各种嘅酒类摆设，组成一幅特色墙，非常特别。 仲可以睇住师父一边烧各种唔同嘅串烧烤物， 即叫即整非常新鲜，讲起都肚饿了。首先嗌嘅系两板海胆，每板海胆都只系98蚊，咁大板海胆呢个价钱真系好抵，而且质素并唔会将货就价，非常高质，入口creamy ，而且好有海胆嘅鲜味，甘甜得嚟仲好香。附上脆脆既紫菜，可以包住海胆食。跟住仲嗌咗一个海鲜丼，唔好睇佢好似细细碗咁，但查实入面都几多饭同海鲜 ，除咗一般嘅三文鱼、吞拿鱼，仲有鲭鱼 、八爪鱼、帆立贝、甜虾、 蟹棒等等， 材料非常丰富。 而且最特别嘅系，仲落咗少少嘅樱花虾，同埋山药蓉，口感非常丰富，而且我好欣赏佢嘅海鲜， 真系非常之新鲜，尤其是帆立贝非常大粒同鲜甜，性价比超高。而呢一个海鲜冷面沙律 ，都系唔错嘅选择 ，表面铺左满满嘅海鲜粒， 例如 八爪鱼 、
一入去已经见到充满日本居酒屋风格嘅装修与摆设，成个环境同格局真系好似去咗日本咁，吧台附近有一系列嘅大灯笼真系几别致。
喺灯笼下面食嘢，柔和嘅灯光照住，真系别有一番风味。
而且有各种嘅酒类摆设，组成一幅特色墙，非常特别。
仲可以睇住师父一边烧各种唔同嘅串烧烤物， 即叫即整非常新鲜，讲起都肚饿了。
首先嗌嘅系两板海胆，每板海胆都只系98蚊，咁大板海胆呢个价钱真系好抵，而且质素并唔会将货就价，非常高质，入口creamy ，而且好有海胆嘅鲜味，甘甜得嚟仲好香。
附上脆脆既紫菜，可以包住海胆食。
跟住仲嗌咗一个海鲜丼，唔好睇佢好似细细碗咁，但查实入面都几多饭同海鲜 ，除咗一般嘅三文鱼、吞拿鱼，仲有鲭鱼 、八爪鱼、帆立贝、甜虾、 蟹棒等等， 材料非常丰富。
而且最特别嘅系，仲落咗少少嘅樱花虾，同埋山药蓉，口感非常丰富，而且我好欣赏佢嘅海鲜， 真系非常之新鲜，尤其是帆立贝非常大粒同鲜甜，性价比超高。
而呢一个海鲜冷面沙律 ，都系唔错嘅选择 ，表面铺左满满嘅海鲜粒， 例如 八爪鱼 、三文鱼 、螺肉、蟹子，再配上冷面同生菜 、蕃茄 、翡翠苗等等。
不过就冇沙律酱 ，所以食落嘅口感就比较清爽同清淡 ，主要食海鲜嘅鲜味同菜嘅甜味。
另外仲嗌咗一杯芒果chu-hi ， 有淡淡嘅酒香同芒果味，酒精浓度唔算高，但配上烤物，饮落好夹。
跟住当然系主角甲罗烧，我谂基本上唔少人嚟呢间餐厅，都为咗食佢嘅炉端烧， 尤其是呢个嘅甲罗烧 ，真系好似返返去日本旅行咁。
鹌鹑蛋淋上蟹肉同蟹膏表面 ，再加埋料理用酒， 一齐捞匀 ，再放上炉烧三至四分钟， 咁就食得。
上面细火慢烤，睇住佢慢慢散发出阵阵嘅蟹膏香味 ，𠮶种咁香真系不得了。 而且蟹膏食落非常creamy ，咸咸哋，再捞埋蟹肉一齐食：「 唔该来碗白饭呀！」
而最后呢一个嘅稻草烧安格斯牛，估唔到可以烧得咁正 ，呢度嘅烤物真系质素好高。
牛扒表面带有阵阵嘅稻草烟熏香味，而且生熟程度刚刚好， 表面金黄色， 里面保留著完美嘅粉红色，仲有少少肉汁， 加上表面有薄薄嘅海盐点缀， 其实唔使点个酱汁已经好好味 。
不过个酱汁又非常特别 ，有蒜香之外配上炸蒜片， 又系另一种唔错嘅食法，真系好挣扎呀，好想再叫多两碟嚟食。
呢间北海道炉端烧真系唔错，性价比好高，食物质素同价钱成正比，下次会再嚟食。
张贴
