Chico Chica (已結業)

西营盘第三街有好多细细间、有特色既食肆，其中之一就系Chico Chica。 餐厅细细，但座无虚设，呢度系食西班牙菜同一D Fushion菜式，周六中午黎到，餐厅有Brunch提供，$148/位，两位起，加$128可以任饮Sangria、Cava或红白酒，今日唔饮酒啦，悭番D啦。 Bread Tomato + Serrano 番茄面包烤得香脆，只用茄酱、蒜蓉、橄榄油调味，简单得黎好味；黑毛猪火腿好香，无渣、无臭猪味，柔软咸香。 Truffle Jamon Bikini面包外层烤得微焦，脆卜卜兼有牛油香，入面系黑松露酱，浓重既香味，好快就将佢KO。 Spanish Broken Egg呢碟制法都唔复杂，香肠＋太阳蛋＋薯仔粒，我最欣赏系放底层既薯仔，细细粒易入口，带有薯仔既天然甜味，又系简单自然既美味。 Seafood Paella西班牙海鲜饭，饭底吸晒海鲜既精华，入味！面头既海鲜好多，如鲜虾、鱿鱼、蚬、青口等等，全部都新鲜，特别钟意两只虾，非常鲜甜。底部有饭焦，好此道者会食得特别开心。 Hot Chocolate餐饮我选择左热朱古力，甜美香浓，饮到啖啖朱古力粒，真材实料，大爱！