影片
更多
2014-01-10
6018 浏览
今晚系8B Annual Dinner, 我都要向朋友写个服字, 咁世纪性嘅活动都比佢搞得成, 劲!!!Kitchen M可列入揾难餐厅指南一星!!! 我同朋友一齐系尖沙咀地铁站N4出口出, 随即去CS问路, 上次系CS问点去帕莎基本上相当成功, 今次简直呕血!!! 问咗4次点去Kitchen M, 个CS依然阿呆x阿梦上身, O咀兼眼神恍惚, 再问佢边部Lift去到 (因帕莎只有1部好隐闭的Lift去到), 佢答部部都得, 咁我地求其搭1部, 结果真系部部Lift都去到, 但我地兜咗3个圈都揾唔到间餐厅, 后期已经系跟住Shop Numbers行晒成个商场, 最后揾到Floor Plan, 原来要穿过时装店转几个弯先去到, 比你如果有间时装店系要穿过酒楼的大堂+内堂+厨房厕所先去到嘅, 你路过酒楼大堂时会唔会估到有间时装店系入面?!!穿过时装店后看到的第一眼, 白色的矮身砖墙后, 有个几cm高的视窗!!! 唔似比客人望入去的Open Kitchen, 我地坐得咁近好似被厨房监视住咁...朋友话最大的枱比人Book咗, 只剩下8人枱要我地9个人坐... 实情系... 我地就系全场最大果
Kitchen M可列入揾难餐厅指南一星!!! 我同朋友一齐系尖沙咀地铁站N4出口出, 随即去CS问路, 上次系CS问点去帕莎基本上相当成功, 今次简直呕血!!! 问咗4次点去Kitchen M, 个CS依然阿呆x阿梦上身, O咀兼眼神恍惚, 再问佢边部Lift去到 (因帕莎只有1部好隐闭的Lift去到), 佢答部部都得, 咁我地求其搭1部, 结果真系部部Lift都去到, 但我地兜咗3个圈都揾唔到间餐厅, 后期已经系跟住Shop Numbers行晒成个商场, 最后揾到Floor Plan, 原来要穿过时装店转几个弯先去到, 比你如果有间时装店系要穿过酒楼的大堂+内堂+厨房厕所先去到嘅, 你路过酒楼大堂时会唔会估到有间时装店系入面?!!
穿过时装店后看到的第一眼, 白色的矮身砖墙后, 有个几cm高的视窗!!! 唔似比客人望入去的Open Kitchen, 我地坐得咁近好似被厨房监视住咁...
朋友话最大的枱比人Book咗, 只剩下8人枱要我地9个人坐... 实情系... 我地就系全场最大果张枱!!! 全场都系呢d可以左右无限拼拆的茶餐厅木枱, 2人枱放蓝面包已经细到无位摆其他食物!!! 张枱细到咁, 居然仲迫我地9个人坐4张呢D拼枱, 嘿, 都得o架喇... 大家认住而家蓝色玻璃位置, 等阵走佬靠佢...
初时大家都话Set Dinner好抵食, 但我同2位朋友都想食羊鞍, 我地3个决定散叫Share, 仲掉埋位坐埋一齐, 搞搞下唔知点解个个都变散叫Share, 玩咩?!! 咁我一早就唔使掉位啦... 不过长枱大围Share唔方便, 最后我地分开左右2批Share...落好晒单先有面包食... 面包有3款咁多, 黑麦版硬猪外脆内软, 左下的包包亦好松软, 的确唔错...
落单后10分钟...意大利水牛芝士蕃茄沙律 $78
-- 卖飞佛!!! 曾经有一段时间, 我疯狂地爱上佢, 每个周末都会买材料返屋企整来吃... Kitchen M将个蕃茄切到薄到无朋友, 水牛芝士弹性及紧致度略为不足, 洒在沙律上的香草变成生菜丝, 味道略逊不特止, 卖相仲好奇怪...
系地球另一面的Wild Mushroom Soup $58... 唔知点解系都要人影相...
坐系南极的朋友仲Order咗Traditional Onion Soup $58... Tuna Salad w/ French Fried Beans, Black Olive, Boiled Egg & Cherry Tomato $88... Sorry, 我只手无咁长, 真系帮唔到你地影相留念...又过咗20分钟...
香煎深海鲜带子炒橄榄油蒜片红椒扁意粉 $138
-- 坚好味, 皆因3人已饿至神经错乱... 带子嫩滑鲜味, 意粉柔韧弹牙, 香辣惹味...
又过多10分钟...酥炸软壳蟹薄饼 $118
-- 我地3个人叫3样食物(沙律+意粉+羊鞍)惊唔饱, 成功耸拥食烧春鸡的朋友再叫个Pizza 4人Share, 哈哈... 薄饼其貌不扬, 差点薄过我块面皮, 幸好都几香脆, 咬落竟然好香芝士味, 同软壳蟹出奇地夹, 真系估佢唔到... 但记得一定要趁热辣辣时食, 冻咗无味...
烧香草法国春鸡, 炒青菜, 薯角 (半只) $148-- 估唔到法国春鸡都几大只, 外皮烤至金黄, 入口肉质幼嫩, 调味恰到好处... 查实... 呢个系朋友私人的, 唔系For Share, 却因坐埋系地球嘅同一边, 惨被3只饿狼阴下阴下咁瓜分, 哈哈, 好可怜... 春鸡不是100%熟, 软骨与软骨之间见到血水, 席间众人皆参与讨论此鸡会否真的来自法国, 抑或系本地, 最怕是深圳的H7N9农场, 仿佛大家都回到陈冯富珍日日都食鸡的年代...
系地球另一面的A4日本和牛 $398-- 职员系都要放系我面前, 好啦, 咁比下面影下你啦... 唔贵唔食的寿星竟然命令我切开片和牛做一条条, 方便进食, 喂, 我路人甲㖞, 岂有此理, 我就拮你旧A4和牛一条食先, 然后先再慢慢切... Well, 咸牛咁, 我切时仲见到D大大粒粗盐停系旧和牛上面, 最惨系Feel唔到和牛果种澎湃嘅牛味, 在场的C9议论纷纷, 细听之下, 原来佢地平时家常便饭都去高级超市买和牛同黑豚回家煮, 有眼不识太山, 失敬失敬!!!
系地球另一面的海鲜忌廉墨鱼汁意粉 $148, 又迫人影, 吖, 你地Blog又懒写相又懒影, 又好意思命令人地做o野o架㖞...
坐系南北极的朋友仲Order咗帕尔马火腿薄饼 $158, 佢地叫得太多食物, 食剩半个咁多, 结果由饿狼组解体, 冻咗味道都OK㖞... 影都见过的海鲜意大利饭 $148, 牛肝菌黑松露意大利饭 $108, Parma Ham Pizza Mozzarella Traditional Onion Soup $58... Tuna Salad w/ French Fried Beans, Black Olive, Boiled Egg & Cherry Tomato $88... Sorry, 手唔够长, 真系帮唔到你地影相留念...香草烧澳洲羊架 $238
-- 7:34PM落单, 8:57PM先上枱, 足足1小时23分钟!!! 食完所有食物之后, 经理想收晒我地嘅餐具, 仲问我地要唔要Order甜品, 吓?!!!!!! 个羊架都未到!!!!!! 果时大约系8:20PM左右... 又再等... 等到8:35PM左右, 仲未到, 又揾侍应弟弟Check下, 由始至终2人都无再返转头交代... 又再等... 等到8:45PM左右,又再揾经理问下间餐厅系咪无羊?!! 无羊我地就即刻埋单走!!! 一如我所料, 10分钟内即到!!! 经理辩称唔系煎而系要焗所以好耐, 嘿, 你早D讲我地咪唔使成日追啰!!!
如果唔咬沾咗调味料嘅边边, 件羊系完全无味的!!! 连羊膻味都无!!!
如果咬沾咗调味料嘅边边, 件羊系超咸的!!! 都系引唔到羊膻味出来!!!
优点系肉质幼嫩不干硬, 7成熟却无半点血水...
无Mood地食完羊架, 懒人一族决定Order2份甜品拼盘...法式甜品拼盘 $98
-- 芒果拿破仑够酥脆, 法式焦糖炖蛋唔够香滑, 马卡龙一向只懂卖萌... 纯黑朱古力蛋糕卖相普通, 入口朱古力味香浓, 口感幼滑, 是法式甜品拼盘中最好味的!!!
埋紧单时, 众人走夹唔抖, 冲去商场洗手间, 当朋友跟著行的时候, 餐厅竟然话时装店已关门, 唔可以行!!! 吓?!! 我地嘅朋友系前面㖞!!!无奈下, 我地要由餐厅水吧旁的门, 行到商场外的露天通道, 再从另一道门重回商场内!!!
真系第一次去餐厅去到咁呢Hea, 一定唔会同老人家去啰, 失散咗都唔知点算!!!
张贴
