來來小吃店

营业中

休息中

想食呢间来来小吃店好耐，上次因为手工芋圆售罄所以放弃，呢次早咗嚟到总算食到。由某啲报导得知佢哋系由台湾人开同埋系家庭式经营，加上当日只有一个人负责店面加食品制作嘅工作，所以就算人龙唔长都要等好耐。佢哋主打黑糖刨冰，不过当日天气太冻，于是就买咗冬季限定嘅综合红豆汤，暖暖哋嘅甜汤汤质浓，唔系稀如水𠮶种。我最期待嘅手工芋圆就大约有七至八大粒，同埋有三种味道，分别系芋头、地瓜同绿茶，芋头同地瓜微甜，绿茶微微甘涩，三款嘅口感都Q软讨好。另外仲有红豆、小汤圆同粉圆，红豆几大粒同埋煮得刚好爆开，软腍但仍然有咬口，小汤圆软熟、粉圆烟韧有弹性，整体配料嘅份量都几丰富。甜度又唔重，有啲家常嘅感觉。朋友嘅姜汁黑糖豆花同样都系热食，配搭都几滋润，不过就好似少咗啲睇头咁。