濟州燒肉食堂

营业中

休息中

留喺香港想约旅行嘅感觉，👦🏻👧🏻就去咗呢九龙湾德福商场入面嘅济州烧肉食堂。圆形卡位坐得好宽敞，店员会先送上前菜，有酸萝卜、泡菜、芽菜、菠菜同昆布。炉嘅两边可以无限refil泡菜蛋🥚同粟米芝士🧀，👦🏻👧🏻钟意等到底部烤到焦香脆脆先食，泡菜蛋滑嫩同酸辣开胃，粟米芝士香甜同芝士奶味重。🐷一级五花肉 $238五花肉肥瘦相间，烧完之后将油份迫哂出来嚟，入口肉质有弹性，可以吱柠檬同沾Wasabi降低腻感。🐷腌制一级猪肋肉 $178腌制咗嘅黑毛猪肋带有甜味，烧完都唔会干身，口感好juicy！🐮大葱切牛舌 $138牛舌口感爽口软嫩，烧完仍然保留肉汁，沾少少盐同酱汁食好好味。🥩和牛牛五花 $158和牛牛五花肉质软腍，充满油脂香气，肉味浓郁。🌮海鲜煎葱饼 $138薄饼馅料超足料同调味入味，有虾仁、鱿鱼、元贝同香葱，成个葱饼金黄色，边位香脆，沾上葱饼汁食好惹味！🥢黑米冷面 $92用咗好多冰粒浸住冷面，够晒冰凉！黑色幼身嘅面条几爽弹，配上青瓜丝同梨丝，一啖烧肉一啖冷面，有种清新解腻感！🍹济州特饮 $32香甜嘅橙汁同酸甜嘅柑橘味，加上清爽嘅梳打，可以解烧肉嘅油腻感。🍹荔枝梳打 $32荔枝味香甜清新，饮落几开胃。