TOSS 蘇媽.蘇媽

营业中

休息中

「苏妈苏妈」呢间餐厅听就听得多，但一直未有机会试，早排知道佢地终于开到入屯门，今日经过见唔系太多人，终于可以试下了。椰香咖喱喇沙 :食马拉菜，喇沙可以话系必然嘅选择，呢度嘅喇沙面条可以拣油面/米粉/渗渗或河粉，我哋拣咗油面。喇沙汤椰香味浓郁，味道甜中带少少辣，油面吸收晒喇沙汤底，份外好味；配料有虾仁、鱿鱼圈、蛳蚶、鱼肉春卷等等，非常丰富，食完感觉好满足。椰香咖央多士 :多士烘得香脆，夹住满满嘅咖央酱及牛油，入口有浓浓嘅椰香甜味，配埋牛油嘅鲜味，食落非常开胃。马拉沙嗲串烧 :一份有六串，可以拣猪、牛或鸡，我地每样叫咗两串。串烧炭香味十足，肉质嫩滑，依然保有肉汁，唔会烧到又干又韧，配埋秘制沙嗲酱，六串真系话咁快就食晒。餐厅做紧饮品第二杯半价，咁抵又点可以唔叫返杯特式饮品？虎咬狮 :虎咬狮系马来西亚非常受欢迎嘅饮品之一，即系美禄+白咖啡。入口除咗有美禄香浓嘅麦芽香味，亦有淡淡嘅咖啡苦涩味，相当有层次。