影片
更多
2013-08-16
3964 浏览
住港岛区想享受美景美食 , 唔使过海去红磡都会海逸嘞, 同一集团梗有一 间系左近, 今餐拣左系北角海逸君绰酒店三楼既Harbour Grand Cafe食dinner buffet。 海逸君绰座落于北角油街, 邻近港铁炮台山站, 酒店无论外观及格局均与都会海逸同出一辙!是晚我地6:30左右进入餐厅, 映入眼廉既系好大好grand既大厅 , 由女侍应礼貌地带领入座, 仲亲切地提点我地buffet开始左, 之后即有男侍应走来问我地要咩餐饮, 有红酒、白洒及汽水任君选择, 听男侍应讲解白洒系意大利, 我地始终对白洒唔多熟悉, 所以拣左饮红洒。呢度个buffet bar够大, 摆放左好多唔同种类既好嘢食…先讲冷盘: 有啖啖肉既开边波士顿龙虾, 仲食到虾膏添 , 虽然只大钳有d咸, 但肉质新鲜弹牙。 有长脚蟹, 肉质超饱满又鲜甜 , yummy! 有即开生蚝, 好清甜。 有翡翠螺, 肉身爽甜, 有鲜甜冻虾等等，全部源源不绝咁供应, 唔怕攞唔到, 最怕食唔落姐! 刺身有三文鱼、八爪鱼、吞拿鱼、希灵鱼等, 三文鱼甘甜肥美。 估唔到有一板板既海胆 , 但系食完之后好惊, 因为好腥 啊!
是晚我地6:30左右进入餐厅, 映入眼廉既系好大好grand既大厅 , 由女侍应礼貌地带领入座, 仲亲切地提点我地buffet开始左, 之后即有男侍应走来问我地要咩餐饮, 有红酒、白洒及汽水任君选择, 听男侍应讲解白洒系意大利, 我地始终对白洒唔多熟悉, 所以拣左饮红洒。
呢度个buffet bar够大, 摆放左好多唔同种类既好嘢食…先讲冷盘: 有啖啖肉既开边波士顿龙虾, 仲食到虾膏添 , 虽然只大钳有d咸, 但肉质新鲜弹牙。 有长脚蟹, 肉质超饱满又鲜甜 , yummy! 有即开生蚝, 好清甜。 有翡翠螺, 肉身爽甜, 有鲜甜冻虾等等，全部源源不绝咁供应, 唔怕攞唔到, 最怕食唔落姐!
刺身有三文鱼、八爪鱼、吞拿鱼、希灵鱼等, 三文鱼甘甜肥美。 估唔到有一板板既海胆 , 但系食完之后好惊, 因为好腥 啊! 而寿司分别有三文鱼、赤贝、腐皮、加洲卷、太卷等。 沙律区有唔同既配料及酱料任人搭配, 法式芝士有多种款式, 仲有火腿同烟三文鱼呀!!
最令人难忘既热盘有香煎鹅肝多士, 鹅肝又软又滑, 有入口即溶 既感觉, 食多几件都唔会觉得heavy! 有三款唔同风格既鱼柳, 一款用香葱杞子蒸, 好滑兼啖啖肉。 另一款系香草沙律酱焗三文鱼扒, 咸咸地, 算唔错。 最特别系呢款香草白汁焗鱼柳卷, 鱼柳卷内包住d蘑菇同菜, 好清新爽口! 西冷牛扒, 肉质较韧, 纤维较结实, 有咬口和浓郁牛肉味。炸虾天妇罗，相当酥脆爽口，好食到停唔到口 ！ 片皮鸭（已预早片好），有饼皮（系细细块圆形状）、青瓜、京葱、甜酱等配料俾人自己包，两块饼皮先包得起一块片皮鸭，块饼皮又厚，好食但食一件已经好“济“ ！ 咖哩羊腩、牛腩，个汁好香浓，微辣，腩肉又淋，羊腩带小膻味, 捞左小小炒饭食，简直一流！干烧伊面，唔油腻，味道不错。烧鸡, 肉质又干又硬 ！熟龙虾、青口、意粉、时菜等都唔错。渌面区，d粉面好幼滑，丸丸好弹牙。
甜品区: “Movenpick"雪糕有生果、果仁、朱古力、呍哩拿、咖啡、曲奇等十二款味道, 好幼滑，忍唔住 食左九款味道。纽约芝士饼， 有浓香芝士味， 但口感硬实！ 有两款软绵绵既蛋糕， 一款系黑森林， 另一款系白朱古力，d朱古力薄片够浓郁！ 一杯杯既Tiramisu, 用匙羹一层层咁细味， cheese加上cream又软又幼滑， 不过要食到杯底先有浓浓既咖啡味。细细件既拿破仑， 由两片酥皮夹著云呢拿吉士酱而成， 酥皮层次太少，亦唔够松化! 杂果批, 唔会太甜。 细细件既朱古力蛋糕, 有d实。 红莓慕丝, 唔会腻口。还有迷你挞、窝夫、、朱古力喷泉、pancake etc...中式则有豆腐花, 清甜既桂花糕及椰汁糕, 糯米磁等。龙眼红枣水, 饮落口好香甜兼润喉, 即刻要来多一碗 ! 生果有西瓜，唔够甜、哈蜜瓜，几鲜甜、蜜瓜，无咩味、菠萝，好香甜等。场内不时响起钢琴师悦耳动听既琴声, 还夹杂著寿星者既生日曲…
笑容满面既侍应们, 殷勤地为每枱客人酙水及收碟, 每枱还递上一张问卷调查, 以便改善酒店既质素。 值得加分 既系, 有位细心既女侍应, 眼见我地影紧相, 仲主动走来问我地需唔需要帮手影合照添!!!
如斯情景美食, 仲唔系五星级既享受 ?!
张贴
