拉麵來 (已搬遷) 新店位置

呢间拉面来我想试好耐㗎啦，但晚市成日都好多人排队，今日过咗食晏时间经过呢度见唔使等，即刻同朋友冲入嚟食个正宗拉面。入面嘅装修用上日式怀旧玩具店嘅布置，仲挂上咗好多小玩具，好有心思。呢度嘅餐牌好缤纷，图文并茂，而佢嘅图并唔系实物照而系画出嚟，真系好吸睛啊！我拣咗呢个黑蒜油猪骨汤面，佢系可以拣拉面嘅软硬度、汤嘅浓度、葱、蒜、香油嘅份量，非常好！冇牙嘅我就拣咗拉面要煮林啲，即刻啱晒我口味，猪骨汤香浓但唔会过咸，所以我每一啖拉面都会夹杂着少少汤一齐放入口，叉烧肉质都非常嫩滑，所以成碗拉面我食到见到碗底朋友就叫咗呢个温泉蛋拌面，其实佢系有少量嘅蒜味鸡汤喺底，再奉上芝麻酱、芝士粉、七味粉等任你自己调味，再配埋温泉蛋嘅蛋汁，呢个喺出面嘅拉面店比较少见到，好味得嚟又特别！因为我同朋友连早餐都未食，好鬼肚饿，所以叫咗几款小食乜都试吓。先来个墨鱼咀，估唔到呢个价钱会有咁多粒，分量十足！见到有个特别推介嘅鸡皮春卷，听个名都知几咁邪恶，不过我哋真系冇有怕，一于试吓😆其实佢嘅鸡皮已经焗到脆卜卜，所以食落唔觉得有多余油脂章鱼小丸子好大粒，入面都有好大粒章鱼，配埋佢嘅酱汁真系好好味叫咗咁多煎炸嘢都要食返个沙律菜平衡