旺記冰室 (鴻輝大廈B座)

营业中

休息中

同男朋友出开旺角买千层蛋糕，就顺便系旺角揾食。男人的浪漫就多数系冰室，因为平靓正快，又大大碟，最岩佢心意！环境光猛，墙上一幅幅绘画好靓，主角系我最钟意既猫咪，呵呵！地方都几阔落，唔少卡位，坐得几自在。晚餐有十九款拣，饭面粉都有，唔少选择。我要常鲜姜汁猪膶鲜鸡汤通粉 ($58)配有多士和炒滑蛋，满足！热辣辣上枱，多士烤得金黄微脆，有些牛油香，放埋极滑溜嘅炒滑蛋同吃，正！马上饮啖鲜鸡姜汤，味道鲜香，有啲辛辣，但唔会抢喉；通粉煮得岩岩好，不会太腍身。每件猪润都几厚身，爽口鲜香，好食！即磨咖啡（$0/跟餐）香浓幼滑，唔错！男朋友无肉不欢，拣咗小确幸旺记杂扒饭配自家制洋葱汁 ($74)，份量惊人，有大大块鸡扒和猪扒，仲有覆盖半碟饭嘅炒滑蛋，配些清爽嘅沙律菜。男朋友话白饭加咸香嘅洋葱汁和香滑嘅滑蛋一齐食，好得！鸡扒啖啖嫩肉，连埋煎至金黄香脆嘅鸡皮一齐食，最滋味！猪排就咸香腍嫩，也好味！鲜姜汁奶茶 （+$4）几有茶香，亦有些姜嘅辛辣，味道平均。