麻布茶房 (已結業)

一路都唔知原来淘大有间麻布...星期五o既晚上周围都要等位,我又对于软雪糕好冇抵抗力,所以就o系度痴痴的等...真系企到腰酸,终于有位,大家都好有恒心咁等menu同以前认识o既麻布好唔同,少左好多野是但拣左个咖哩饭,几乎完全唔辣,所以食得好轻松,同埋因为等位咁耐好饿o既关系,转头就食完~大人要左个牛柳定食其实牛肉系咪真系好难煮得好,点解又系咁难咬o既最欣赏就系d前菜,酸酸地好开胃拣左配梅子饭,系好淡o既梅味,食耐左系唔觉o既添就o系差唔多食完两个饭,谂紧叫咩软雪糕甜品o既时候...听到侍应同隔离枱讲个雪糕机坏左!!!呀!!!!我到底系为左乜野等位等咁耐,错哂呀....如果净系为左食饭,我真系唔会入黎呢度呀咁贵,冇得食软雪糕,所以极速埋单走人喇