影片
更多
2023-04-18
59 浏览
又有日本过江龙嚟到香港开业当然第一时间要去探店。讲嘅系呢间位于中环历山大厦嘅日本京都人气拉面店GOGYO 五行，特色之处在于佢将日本拉面艺术同居酒屋文化结合，除咗可以食唔同嘅特色拉面，亦都有串烧同其他料理。最惊喜嘅系餐厅其实仲系一间酒吧，有供应各式各样嘅酒精饮品，好似日本酒、红白酒、gin、cocktail、whisky、烧酌等等。 浓厚龙虾沾面 ($238) 叫咗餐厅最近推出期间限定嘅龙虾沾面，卖相非常吸引，原条龙虾尾加上喺石锅入面沸腾紧嘅赤红色汤底，简直系豪华嘅享受。先讲个汤底，每一啖都系浓郁嘅海老鲜香，加埋醇厚嘅豚骨汤，香浓鲜味。低温长时间慢煮嘅龙虾尾，本身已经吸收晒汤底嘅精华，肉质爽弹饱满厚肉，点啲汤汁一啖咬落去简直系大满足！沾面嘅面底用咗比较粗身嘅面条，可以挂到满满嘅香浓汤汁，面条口感弹牙。沾面除咗龙虾，仲有叉烧、芝士脆饼、半熟玉子、紫甘蓝泡菜同水菜等配料，非常丰富。其中嘅芝士脆饼非常特别，脆卜卜有好香浓芝士味之余，中间系中空嘅，可以装啲汤汁一齐食。食沾面嘅时候仲可以将海老味噌同巴马臣芝士碎加入汤底度，令鲜味瞬间level up，别有一番风味。食完沾面，个汤都唔洗浪费，事关个
浓厚龙虾沾面 ($238)
叫咗餐厅最近推出期间限定嘅龙虾沾面，卖相非常吸引，原条龙虾尾加上喺石锅入面沸腾紧嘅赤红色汤底，简直系豪华嘅享受。先讲个汤底，每一啖都系浓郁嘅海老鲜香，加埋醇厚嘅豚骨汤，香浓鲜味。低温长时间慢煮嘅龙虾尾，本身已经吸收晒汤底嘅精华，肉质爽弹饱满厚肉，点啲汤汁一啖咬落去简直系大满足！沾面嘅面底用咗比较粗身嘅面条，可以挂到满满嘅香浓汤汁，面条口感弹牙。沾面除咗龙虾，仲有叉烧、芝士脆饼、半熟玉子、紫甘蓝泡菜同水菜等配料，非常丰富。其中嘅芝士脆饼非常特别，脆卜卜有好香浓芝士味之余，中间系中空嘅，可以装啲汤汁一齐食。食沾面嘅时候仲可以将海老味噌同巴马臣芝士碎加入汤底度，令鲜味瞬间level up，别有一番风味。食完沾面，个汤都唔洗浪费，事关个沾面其实系两食，只要将剩返嘅汤汁同跟沾面个芫荽饭捞埋，就可以做到好似意大利饭咁嘅效果，鲜香汤汁加上芫荽嘅香气同少少巴马臣芝士碎，同白饭超夹。
特上海鲜丼定食 $238
午市时段餐厅有lunch menu，朋友就叫咗个海鲜丼set，用料都算高质丰富，有三文鱼子、油甘鱼、拖罗、三文鱼、牡丹虾、带子同海胆。鱼生新鲜而且份量十足，海胆大大羹口感幼滑creamy，带子水嫩丰盈，牡丹虾爽弹鲜甜。
猪腩肉天妇罗 $38 & 生菜明太子卷 $42
另外我哋仲叫咗两串串烧食，款式好特别，系坊间少见。其中一款系猪腩肉天妇罗串，半肥瘦嘅猪腩肉做成天妇罗，将肉汁同猪油脂通通锁住，一啖咬落去先系食到香脆炸皮，之后香浓肉汁就爆出嚟，再加埋软嫩猪肉，好食。另一款用猪肉薄片卷住爽脆生菜，中间夹住辣味明太子，3重口感非常丰富，辣辣哋好惹味。
跟餐仲有杯饮品可以拣咖啡冷泡桂花乌龙茶、热栀子花绿茶或者姜味汽水添。
。
。
@GOGYOHK
GOGYO五行 (中环)
中环遮打道16-20号历山大厦地库1楼B02号舖
张贴
