影片
更多
2017-08-07
213 浏览
最近赖生因为要做好准备，买定礼物准备见屈小姐既家长，所以不停揾有D咩野岩黎做初次见面礼物！系机缘巧合之下，赖生同屈小姐都谂起<<Luna Cake>>，又咁岩<<Luna Cake>>其中一间分店好近赖生工作既地方，所以可以放工之后过去望一望睇下有d乜野岩送比Uncle同Auntie既黎到形点商场2期3楼，行去运动舖同甘味对出既走廊就会见到Luna架日式木头车嫁喇! 上面有晒佢有咩蛋糕同甜品卖，一目了然!!身为抹茶迷既赖生同屈小姐，系买野比Uncle同Auntie之前，我地都要亲身试下味先，话晒第一次见，系绝对唔可以失礼同埋留低个坏形象既，同时顺便奖励下平日好比心机做野既屈小姐(后者是重点吧?!)，所以赖生买左1条茶之水既京都抹茶卷同屈小姐试食 店员仲好细心同贴心，教左赖生要点样食呢个京都抹茶卷，原来要预先系室温解冻1个钟先食嫁!佢仲好好咁比左几包干冰赖生，怕赖生送到去屈小姐面前之前个蛋糕会融，服务真系真心冇得顶!买完之后，赖生就充当外卖仔送到屈小姐面前啦，而好耐好耐好耐冇食过抹茶甜品既屈小姐一见到赖生拎住盒Luna Ca
黎到形点商场2期3楼，行去运动舖同甘味对出既走廊就会见到Luna架日式木头车嫁喇! 上面有晒佢有咩蛋糕同甜品卖，一目了然!!
身为抹茶迷既赖生同屈小姐，系买野比Uncle同Auntie之前，我地都要亲身试下味先，话晒第一次见，系绝对唔可以失礼同埋留低个坏形象既，同时顺便奖励下平日好比心机做野既屈小姐(后者是重点吧?!)，所以赖生买左1条茶之水既京都抹茶卷同屈小姐试食 店员仲好细心同贴心，教左赖生要点样食呢个京都抹茶卷，原来要预先系室温解冻1个钟先食嫁!佢仲好好咁比左几包干冰赖生，怕赖生送到去屈小姐面前之前个蛋糕会融，服务真系真心冇得顶!
买完之后，赖生就充当外卖仔送到屈小姐面前啦，而好耐好耐好耐冇食过抹茶甜品既屈小姐一见到赖生拎住盒Luna Cake既京都抹茶卷，即时Bling Bling眼咁小心地储存好个蛋糕，跟住陪赖生食正餐先~~~! 系食正餐既时候，赖生提下屈小姐:『一阵有蛋糕食㖞，记得唔好食咁饱要留位』，屈小姐就意气风发咁答: 『一早留左位嫁喇!!』，然后用Bling Bling眼既热切眼神望住盒京都抹茶卷!! 屈小姐仲专登拎左只专用碟去Serve呢个蛋糕，可见得佢几咁期待!!!(唔知屈小姐系咪想用热烈既眼神帮条抹茶卷加速解冻呢??? ) 条抹茶卷用左个白色既纸盒包装，有住日式简洁既设计，令屈小姐同赖生好期待入面条抹茶卷!
当解冻够一个钟，屈小姐就急不及待话要食啦要食啦，佢就小心翼翼咁打开个盒，发现个盒系岩岩好顶住条抹茶卷，等佢唔好移位周围撞，仲要加多层胶袋原条封住，好好保护住条蛋糕! 日本人呢份细心，真系由个设计同包装就已经体现晒出黎!! 跟住屈小姐就拎定把刀准备，再小心翼翼咁打开个胶袋既一边，而赖生就负责开另一边.....! 赖生顿时面对住巨大既压力，担心开得唔小心会整到条蛋糕，好彩最后成功!!之后屈小姐就亲自操刀啦....一条大概分到5-6件，下图厚度系2件size)
茶之水 - 京都抹茶卷
$179
14 浏览
0 赞好
0 留言
1) 茶之水- 京都抹茶卷 : 4.5
呢条抹茶卷用左烤过既抹茶蛋糕包住鲜忌廉、抹茶忌廉同埋抹茶啫喱条，外形好靓好吸引呢! 于是屈小姐同赖生都第一时间叉黎食啦
抹茶蛋糕 : 偏甜，会遮盖到抹茶既味道，但仍有一点抹茶回甘，口感松软 (以一件雪过既蛋糕黎讲算是不错，当然唔可以同新鲜蛋糕既松软比较啦)!! 而我地最欣赏既系蛋糕内层有轻轻烘过(啡色薄薄一层)，果一层味道更香更浓郁! 正! 为整件蛋糕添上多一份层次！
鲜忌廉: 够晒滑! 味道适中，唔会过甜影响到抹茶忌廉!
抹茶忌廉:抹茶味超浓!!好幼滑! 成个抹茶卷既抹茶味就系由呢d抹茶忌廉发出嫁!! (赖生都系第一次见到屈小姐会追住d忌廉食)
抹茶啫喱:加添左动L动L既口感，本身就得小小回甘味!!
总结: 整体黎讲个抹茶卷偏甜，不过蛋糕够软同滑，亦有抹茶既回甘味，假如蛋糕既部份冇咁甜同抹茶味再浓D，呢条蛋糕真系一流...! 不过索价$179一条...有点贵!!
p.s. 一个钟系未完全解冻，中间既忌廉仲有冰粒，建议解冻1.5小时应该更好
#大满足
#满足妳个抹茶甜品胃
#满足宠妳的愿望
#就是喜欢宠妳
#食甜品既甜美笑容
#幸福就是有人宠
张贴
