影片
更多
2020-02-25
591 浏览
「苏妈 ﹒苏妈」马拉文就系解「甚么都有」，所以店舖提供唔同正宗嘅马来西亚菜式，部份材料嚟自原国，务求做到原汁原味🇲🇾店内设计复古怀旧，富有传统马拉风格。 即使开咗分店，店外都依然出现人龙，大受街坊欢迎👍🏼💗无限添饮肉骨茶肉骨茶加咗20款药材煲足两个多小时，尤其当归味最浓烈，汤头微暖唔算太热，充满药材香，茶底浓但冇苦涩味反而有回甘，药材味已经比马拉个d已经淡咗少少。另外带d猪肉嘅鲜甜味，饮落香醇顺喉🍲💗百吉爹肉骨茶大杂锦 ($145)有齐5款肉类，棒棒骨炆到骨肉分离，肉质偏瘦不过都几淋，猪肉味浓，食到丝丝嫩肉🍗；猪手带皮，筋位口感爽脆富骨胶原，佢系唔系属于炆到软冧个种保留咬口，挑剔嘅系仲有d猪毛；三层肉食落较松化带油香，肥脂同瘦肉比例系1:3，已经相对较瘦🐷；猪肚好新鲜，食落爽口弹牙，清洁得好干净所以冇膻味；鸡脚唔会煲到软烂，由于弹性十足要花时间下，呢个好睇个人喜好，悲伤小姐就系钟意呢款有嚼头嘅🐥。将辣椒碎、蒜蓉、黑豉油同头抽拌匀后，用嚟配肉食更惹味🧄底下加咗吸汤一流嘅豆卜同金菇🍄呢款仲送油炸鬼同响铃，好可惜系冧哂一d都唔脆。呢锅汤冇原装肉骨茶咁重药材味，多咗一份肉嘅甜味，味道比易接受，
💗无限添饮肉骨茶
肉骨茶加咗20款药材煲足两个多小时，尤其当归味最浓烈，汤头微暖唔算太热，充满药材香，茶底浓但冇苦涩味反而有回甘，药材味已经比马拉个d已经淡咗少少。另外带d猪肉嘅鲜甜味，饮落香醇顺喉🍲
肉骨茶
22 浏览
0 赞好
0 留言
💗百吉爹肉骨茶大杂锦 ($145)
有齐5款肉类，棒棒骨炆到骨肉分离，肉质偏瘦不过都几淋，猪肉味浓，食到丝丝嫩肉🍗；猪手带皮，筋位口感爽脆富骨胶原，佢系唔系属于炆到软冧个种保留咬口，挑剔嘅系仲有d猪毛；三层肉食落较松化带油香，肥脂同瘦肉比例系1:3，已经相对较瘦🐷；猪肚好新鲜，食落爽口弹牙，清洁得好干净所以冇膻味；鸡脚唔会煲到软烂，由于弹性十足要花时间下，呢个好睇个人喜好，悲伤小姐就系钟意呢款有嚼头嘅🐥。将辣椒碎、蒜蓉、黑豉油同头抽拌匀后，用嚟配肉食更惹味🧄
底下加咗吸汤一流嘅豆卜同金菇🍄呢款仲送油炸鬼同响铃，好可惜系冧哂一d都唔脆。呢锅汤冇原装肉骨茶咁重药材味，多咗一份肉嘅甜味，味道比易接受，不过比较油腻🤔
百吉爹肉骨茶大杂锦
$145
87 浏览
0 赞好
0 留言
💗招牌砂煲老鼠粉($78)
老鼠粉其实就系银针粉，口感QQ咁证明冇煮过火。加咗两款特调嘅豉油炒成，虽然睇落好深色，但食落好香唔会咸。面头舖上满满嘅肉碎、猪油渣、江鱼仔🐟、 虾米碎🦐、葱、炸蒜同流心蛋，非常足料，捞匀后份量有成3碗多。脆脆嘅猪油渣带油香，猪肉碎惹味又唔鞋，其他配料咸咸地又脆口，生鸡蛋趁热捞匀变成熟蛋碎，一齐食口感非常丰富🍳
招牌砂煲老鼠粉
$78
74 浏览
0 赞好
0 留言
💗椰香咖央多士($26)
多士即叫即制，厚度切得适中，烘得香脆唔太㶶🍞平均搽上绵滑嘅咖央酱，每啖都食到椰香同班兰香，内馅甜而不腻，不过牛油嘅份量可以再多d。咖央落得足够，悲伤小姐贪心dd 可以再涂厚就更加香浓🥥
椰香咖央多士
$26
57 浏览
0 赞好
0 留言
💗马拉沙嗲串烧($85/6串)
串烧可以试哂牛、鸡、猪三款。虽然烧得焦焦地有炭火香，但有d烧过火肉质就普通🍢尤其牛肉最韧较难咬开，胜在牛味浓; 鸡肉就过熟未算最嫩滑; 猪肉系最惊喜，甚至系食过最好食嘅猪串烧。肉质弹牙外食落超juicy，而且一d都唔肥腻。当然沙嗲先系主角，带浓烈嘅香茅同椰香味，但花生香唔算突出，汁底味道偏甜而且唔辣，唔够最惹味🥘
马拉沙嗲串烧
$85
71 浏览
0 赞好
0 留言
💗玻璃鱿鱼配通菜($48)
通菜新鲜无渣，渌完都保持翠绿，食落爽脆。晶莹剔透嘅鱿鱼非常爽口，唔韧而且冇雪味，份量对得住个价钱🦑面头嘅炸蒜同辣油系提味嘅关键，惹味十足🌶唔好睇少佢细细pat，辣味慢慢渗出嚟相当刺激。
玻璃鱿鱼配通菜
$48
45 浏览
0 赞好
0 留言
💗怡保肥仔芽菜($46)
芽菜比香港嘅较肥同短，但食落更清甜多汁，而且入口爽脆。只系放落高汤灼熟，再落少少豉油、胡椒粉同葱花调味，食咗咁多浓味嘅菜式，食番个清淡嘅蔬菜解除口中嘅咸味同油腻感🥬
怡保肥仔芽菜
$46
102 浏览
0 赞好
0 留言
💗马来西亚拉茶($22)
跟足马拉冲法，加入炼奶同淡奶，来回拉8-10下，令奶味平均。饮落幼滑香醇，茶味层次丰富，香气比较特别☕️相比港式奶茶，最大分别系奶味偏重，而且较甜。悲伤小姐作为奶茶控都觉得甜度适中，而且有特色风味🥛
马来西亚拉茶
$22
38 浏览
0 赞好
0 留言
张贴
