古味坊 (已結業)

因为自己为食又钟意食台湾古早蛋糕，又知道元朗有一间都几出名就特登走去试。因为唔系住元朗个关系，所以一次过买咗三个同屋企人分享，分别系原味、抹茶味、同埋芝士味。原味就好食到本身嘅味道，好浓嘅蛋味同埋咬落去软绵绵，最啱d钟意pure口味嘅人士。抹茶味入面就有好浓嘅绿茶味道，对于绿茶控嘅我黎讲最啱。芝士味就中间夹住一层浓浓嘅芝士就最啱小朋友食。总括嚟讲古早台湾蛋糕都比普通蛋糕质感比较厚，而且蛋香味比较浓，最紧要系冇咁多糖精，食落去冇咁甜所以连续食两三件都唔会觉得腻，如果下次有机会再嚟我一定会买佢嘅黑糖味同食多次抹茶味。