影片
更多
2022-03-30
352 浏览
台湾俾人嘅印象一直都系满满的人情味（和美食！）。最近屋企附近开咗间来自台东嘅小店，以台东景点铁花村命名，店内有好靓嘅彩绘热气球灯、手绘墙画同台东旅游景点介绍，加上热情嘅店主招待，令人感觉好亲切，食完更加挂住台湾啊～下午茶时段嚟到有抵食茶餐，有多款台式小食拣仲附送指定手摇饮品（其他饮料有半价优惠）。卤肉饭嘅半肥瘦猪肉卤得入味，入口即化，拌饭一流！依度嘅卤肉饭特别在加咗台湾肉松，米饭以珍珠米混合红藜，香口得嚟更有营养价值。肉松起司蛋饼饼皮厚薄适中口感软Q，配上简单嘅馅料，热辣辣食特别好味～店主亦推介咗两款小吃－五味酱白肉甜甜辣辣几开胃，薄片白肉配上秘制酱汁一啲都唔觉肥腻。臭豆腐系夜市嘅味道（好怀念！），豆腐由台湾入口，炸出嚟金黄酥脆，酱汁唔落太多，配埋台式泡菜，十分回味。手摇饮料走健康路线，味道天然甜度易接受－凤梨奶盖乌龙嘅甜味嚟自凤梨汁，奶盖轻盈丝滑带奶香，珍珠奶茶都系回忆中嘅味道。最后唔少得一份九份芋圆－芋圆地瓜圆Q弹软糯，配搭粉圆、仙草、红豆，淡淡嘅甜味加上桂花点缀，卖相更靓。店主话夏天会推出剉冰，好期待呢！
最近屋企附近开咗间来自台东嘅小店，以台东景点铁花村命名，店内有好靓嘅彩绘热气球灯、手绘墙画同台东旅游景点介绍，加上热情嘅店主招待，令人感觉好亲切，食完更加挂住台湾啊～
下午茶时段嚟到有抵食茶餐，有多款台式小食拣仲附送指定手摇饮品（其他饮料有半价优惠）。
卤肉饭嘅半肥瘦猪肉卤得入味，入口即化，拌饭一流！依度嘅卤肉饭特别在加咗台湾肉松，米饭以珍珠米混合红藜，香口得嚟更有营养价值。
肉松起司蛋饼饼皮厚薄适中口感软Q，配上简单嘅馅料，热辣辣食特别好味～
店主亦推介咗两款小吃－五味酱白肉甜甜辣辣几开胃，薄片白肉配上秘制酱汁一啲都唔觉肥腻。
臭豆腐系夜市嘅味道（好怀念！），豆腐由台湾入口，炸出嚟金黄酥脆，酱汁唔落太多，配埋台式泡菜，十分回味。
手摇饮料走健康路线，味道天然甜度易接受－凤梨奶盖乌龙嘅甜味嚟自凤梨汁，奶盖轻盈丝滑带奶香，珍珠奶茶都系回忆中嘅味道。
最后唔少得一份九份芋圆－芋圆地瓜圆Q弹软糯，配搭粉圆、仙草、红豆，淡淡嘅甜味加上桂花点缀，卖相更靓。
店主话夏天会推出剉冰，好期待呢！
张贴
