了不起 (已結業)

之前喺油麻地见过呢间饮料舖，我仲以为又系开到周围都系𠮶种，但后尾先知原来全港得两间。另一间就系香港大学店，但实际位置其实系石塘咀🤭。年初三喺西环行大运期间就见到了不起有开，仲有唔少人买紧㖞，我又买先。我唔知有乜系出名㗎，就求其啦，主要想嗌杯廿蚊有交易𠮶啲😜。了不起提供嘅饮料类别有：原味茶、调味茶、拿铁类(鲜奶茶)、鲜水果茶、奶盖茶同冷泡茶🥤。价钱由$12-$32不等，平均价$2x，都合理。另外，甜度同冰度都有得拣。我呢日试咗冻珍珠四季春拿铁($20)，微糖微冰。个杯系密封的，见唔到入面🙈，但饮落都ok嘅，正正常常，可能奶茶会好饮啲。另外，啲珍珠有少少惊喜，因为都几好咬口，而且系白玉珍珠😚。我几欣赏呢间饮料舖嘅杯嘅设计，几特别！啲公仔好似做京剧嘅𠮶啲脸谱咁，令人印象深刻啊👹。总括嚟讲，我呢日饮嘅拿铁就普普通通、无乜特别啦，有机会都可以试下其他茶嘅。年初三店员要开工，但态度仍然都几好👍。