柴夫人魚館

营业中

休息中

今晚同老公去左尖沙咀金马伦道食豆花鱼，餐厅地点方便，过江龙来自四川，环境干净企理，地方阔落，坐得舒服。餐牌有一人煲仔饭套餐，亦有唔同种类米线套餐。另外，仲有小食、小菜、其他煲类同甜品等。而我就想食佢哋招牌菜，豆花鱼。我哋拣左2-3人晚市豆花鱼餐，餐跟米线或白饭，想食其他配菜亦可另加，整体价钱相当抵。跟住我哋仲叫左个粉丝煲，呢个煲有两杯饮品送。酸菜豆花鲈鱼：份量超多，鲈鱼切得够薄大块，鱼肉新鲜嫩滑。配菜有豆花、芽菜、薯仔同酸菜，而豆花系自家制，豆味较浓。汤底用左金汤，饮到鱼嘅鲜甜味，辣度刚好，越食越惹味，但又唔会有越食越辣果种感觉，真系唔错。虾仁粉丝煲：职员好细心，先较好手机六分钟计时，之后仲帮我哋捞匀。粉丝煲份量好多，虾仁都有好多只，新鲜带甜味。另外用左蒜蓉同煮，然后再加左少少豉油调味，入口好香蒜蓉味道，好味。饮品：冻咸柠七冰冻够味，自家制豆浆豆味浓，口感幼滑，甜度刚好。另外仲叫左个凉粉爽，当甜品食几好。软雪糕：免费任食，云呢拿口味，冰冻口感，天气咁热食就啱晒。