大澳德發 (已結業)

喺香港有个好美丽嘅地方叫做大澳，𠮶度山明水秀，嘢食仲好好食添！！想食大澳特色菜而家唔使山长水远特登坐船去咁远，去炮台山都食到啦！！今日开饭地点叫做<大澳德发>，系一间主打大澳特色菜嘅茶餐厅，价钱亦相当亲民〈金砖炸豆腐拼脆炸墨鱼饼〉两款都系热辣辣，炸到脆卜卜嘅小食，见到都即刻食欲大增！！小豆腐粒外层炸成金黄色，活像一粒又粒小金砖咬开香脆嘅外层后，入边就系嫩滑无比的豆腐，外脆内滑，豆味浓郁，味道仲非常惹味添！！脆炸墨鱼饼够饱满又大大件，劲香脆呢！！〈西柠鸡〉香煎的大鸡块和西柠汁分开上，唔会整到鸡块淋晒，非常贴心鸡块肉质好嫩滑，唔会话煎到过晒火，再加埋沾有芝麻嘅外层，又一香口菜式！！西柠汁酸酸甜甜，用嚟点一点香煎鸡块，油腻感立即全消~~~〈三弄脆皮咸猪手（原只德国猪手）〉侍应哥哥话依个系即点即整，喺铺头嘅招牌菜，当然要试吓啦！！猪手嘅外皮好香脆，口感唔死实。但系下层既肉质却依然保留到香滑嘅口感，怪不得会系餐厅嘅招牌菜〈热华田，热柠蜜〉最后仲饮埋热华田同热柠蜜两款咁具香港特色嘅餐饮，嘻嘻嘻