Grom (已結業)

大热天时行过雪糕店，不过A姐今日唔系太方便，所以有得睇无得食；1个月后，A姐又行过雪糕店，但今日都系唔方便，所以有得睇无得食。唔知大家觉唔觉，平时好人好者，好似唔会见到雪糕店，但当你个日唔方便，肚痛都不得了，雪糕店好似总系会喺你隔离出现。特别系近年，多咗好多高质，声称系用纯果汁或新鲜生果制成嘅雪糕雪条，望住唔多颜色唔同种类嘅雪条，真系好吸引呀！呢间喺中环IFC嘅Grom，听讲系意大利名牌，真系唔方便都忍唔住要试试喇！店入面嘅原材料、制作机器、器皿等，都系由意大利入口，再喺旁边嘅「实验室」即场新鲜制作，无防腐剂、无色素，完全系100%纯天然㗎，所以越食越健康啦。而口味方面，每个月都会变，所以我一定要就啱方便嘅日子，每个月都要嚟试晒唔同嘅口味。士多啤梨雪条 Ghiacciolo：呢条Ghiacciolo酸酸甜甜，好清新呀！最重要系，真系用上新鲜生果，味道唔会话好假，而且冰感十足，立即降温呀！意大利雪糕 Gelato：至于雪糕Gelato我哋选择咗芒果同啤梨口味，因为用上新鲜水果，所以食落非常creamy，但又唔会溜，而且仲见到一粒粒嘅啤梨核，真系好真实，好有口感呀！