Panino Giusto (已結業)

今日同男朋友o系IFC行完街, 又唔想食M记咁普通, 行左去3楼另一边有一间叫做Panino Giusto的意大利小店!门口小小, 不过完全旁边已经有好多用餐的位罝, 已经入夜, 冇咩灯但系都几好气氛! 见到好多人都系摸下酒杯底, 食下风干火腿, 都几chill!买完飞就拎住个木牌等送到位上！Milano 2015 ($118)呢个系米芝莲推介!先有烤得暖的面包Panini, 入面内有24个月巴马火腿、火箭菜同芝士, 口感都好丰富! 巴马火腿咸香味十足，令本身苦涩的火箭菜无咁苦。Lord John $88入面有烧牛肉，加埋烧烤酱都好惹味。烧牛肉份量好多，唔怕唔够饱。啱哂食肉兽！夜晩唔饮咖啡，叫左杯果汁，叫Ace，入面有苹果汁橙汁同姜味。系几清新，不过48蚊有点点小贵呢！而男朋友话要饮咖啡㖞！最后叹番杯mocha, 咖啡味几香! 而且仲送左一块朱古力, 好有风味! 好似飞左去意大利咁！估唔到ifc有呢个小小的角度试下轻食。