THE MATCHA TOKYO (南豐紗廠)

营业中

休息中

前排去咗荃湾南丰纱厂行下市集，仲有好多狗主人系度放狗，好热闹，好快就过咗个休闲下午，见天气热又行到攰，去咗呢间cafe坐低食吓嘢。呢间系我之前上网有留意开，bookmark咗一段时间，所以一话揾地方休息我就即刻提议去呢间！我地叫咗2样嘢，一杯饮品同一杯雪糕。饮品系抹茶香蕉奶昔，$48，抹茶系底，记得搅匀先饮。抹茶同香蕉味同时出嚟，饮落又无咩违和感，个味道都几得意。另外天气太热，见到有雪糕食已经心心眼！叫咗呢杯牛角包窝夫配抹茶软雪糕及北海道牛乳雪糕，$68，2件牛角包窝夫插咗系上面，都几脆同埋几有牛油味。雪糕有2只味，2只味我都觉得唔错。