吉豚屋吉列豬扒專門店

营业中

休息中

今日经过旺角，见到呢间连锁店，上网揾下有关它的资料，知道它有超过210间分店，便走入去试下。由于以前响澳洲 Sydney 住近 Bondi Junction，果度有好多日本食店，而吉列猪扒定食都系我大部分时间会点的食物之一。所以呢次都唔例外，都点左呢个。而太太就点左吉列三重奏乌冬，因为她喜欢乌东多过饭。虽然说它是连锁店，但不像麦当劳、吉野家、肯德基、大家乐…咁，要先排队买票再自取，反而它像连锁茶餐厅，先座下，有waiter服务的。个吉列猪扒d粉麻麻地，又缺酱汁，d饭ok。吉列三重奏乌冬，多左吉列虾和吉列鸡，但系都系d粉麻麻地。由于d炸粉麻麻地，完全影响晒成件吉野乜乜的口感。不过以连锁店来说，不过不失。如果要响香港揾间好食点的吉列猪扒，通常都要$150至$200，所以呢个价钱算ok，无得要求咁高的。唯一有点失望系，居然要加一服务费，有点唔习惯。