影片
更多
2018-01-03
781 浏览
南记过咗海咁耐，卒之都开到嚟我附近，今日，特登过嚟一亲香泽，呢间分店位于观塘商业区既中心，午市人多就预咗架喇，不过毒的一个，都算易揾到位，虽然一个人去食南记谭仔呢类野个感觉更加毒，你一个人坐低食，个头就好似即刻立咗咁，但系又唔想外卖，无计啦，焗砌。排队嗌野食呢条队大约廿几人，由开始排到有得食都要成半个钟松啲，太耐喇，不过又吹佢唔胀，条队越排越多人，食完碗面都排紧三四十lu。坐咗喺一张四人枱，旁边有一对情侣，目测25岁左右，应该系啱啱一齐咗无几耐，食食吓个女仔问个男仔有无食过南记，个男仔竟然答无，我个样立即变成一个奇怪既问话符号，唔系挂，都敏俊都嚟食南记！？我相信喺香港要揾一个25岁既男人无食过南记，相信比起揾个25岁唔靠父荫自己上到车既男人更加难，听佢啲口音又唔似外国返嚟故㖞，地球真系越嚟越危险喇。对上一次食旺角𠮶间，个小锅明显跌咗watt，反而个清汤就间间都keep到，排队𠮶阵争札咗好耐究竟要相对下三小之选既清汤好丫，定系重口味既小锅汤好，最终魔鬼胜出，脑袋不敌小锅汤嘅酸辣诱惑，嗌咗个招牌辣猪肉米线，唔知几时开始，呢碗野由腩肉小锅米线叫咗做招牌辣猪肉米线，唔通系商品说明条例？犹幸个腩
排队嗌野食呢条队大约廿几人，由开始排到有得食都要成半个钟松啲，太耐喇，不过又吹佢唔胀，条队越排越多人，食完碗面都排紧三四十lu。
坐咗喺一张四人枱，旁边有一对情侣，目测25岁左右，应该系啱啱一齐咗无几耐，食食吓个女仔问个男仔有无食过南记，个男仔竟然答无，我个样立即变成一个奇怪既问话符号，唔系挂，都敏俊都嚟食南记！？我相信喺香港要揾一个25岁既男人无食过南记，相信比起揾个25岁唔靠父荫自己上到车既男人更加难，听佢啲口音又唔似外国返嚟故㖞，地球真系越嚟越危险喇。
对上一次食旺角𠮶间，个小锅明显跌咗watt，反而个清汤就间间都keep到，排队𠮶阵争札咗好耐究竟要相对下三小之选既清汤好丫，定系重口味既小锅汤好，最终魔鬼胜出，脑袋不敌小锅汤嘅酸辣诱惑，嗌咗个招牌辣猪肉米线，唔知几时开始，呢碗野由腩肉小锅米线叫咗做招牌辣猪肉米线，唔通系商品说明条例？犹幸个腩肉十几年都无变，香辣酥软兼备，同谭仔𠮶个懒肉真系争几皮；而呢间个小锅个汤keep到㖞，𠮶个温和嘅辣味拌著啲酸菜芽菜韭菜一齐食，无敌；特别钟意佢啲酸菜带少少甜，系好味既。
食完特登走上楼上平时等位等好耐既谭仔，人流经已大幅减少，都系既，南记同谭仔个定位都差唔多，南记仲要开喺地铺，自然抢走唔少客源，骏业街呢条战线，谭仔输哂；之不过，谭仔个重庆汤底，系久唔久都要挂住既。
张贴
