Pho 778 (已結業)

晚晚都排晒长笼，搞边科呀？呢间位于湾仔嘅Pho 778，新开张无耐，晚晚都排晒长笼，今日我同M佬一于去睇睇入面发生咩事先得！原来呢间餐厅嘅创店人3年前由温哥华回流香港，但一直好怀念温哥华嘅越南味道，所以就钻研咗呢个汤底呢个味道！PHO 778火车头汤河粉（XL）食物上枱之前，不妨睇睇佢嘅建议食法，咩都未加之前，先试试个汤底，再加入青柠、芽菜同九层塔，最后，可以加啲海鲜酱同是拉差辣酱调味！终于上枱喇，呢个加大码嘅size真系好惊喜呀，大大个碗，超多河粉，配料仲十足添！先试试个汤先，汤底唔觉有味精，味道好香浓，牛味够晒丰富。之后就系落青柠、芽菜同九层塔，汤底嘅味道层次即刻提升咗好多。至于配料方面，有牛丸、生牛肉、牛坑腩同牛筋：牛丸够晒弹牙、牛筋软绵绵、牛坑腩够晒腍身。而最惊喜嘅就系生牛肉，因为佢唔系用普通嘅雪花肥牛，而系用上安格斯牛肉，油脂比例分布平均，肥瘦适中，肉质嫩滑，肉味甚浓！河粉够晒滑溜，正。越南手丝鸡越式法包除咗河粉，越式法包都系招牌菜，法包有成只半手掌咁大，店员仲好好咁帮我哋cut half！法包脆卜卜，唔硬，鸡丝粉量好多，多到边食边跌，包入面夹住生菜、蕃茄、香叶等蔬菜，够晒F