樓下冰室 (已結業)

今日黎到路德围食晏，去左呢间以瑞士汁鸡髀鸡髀出名既楼下冰室。作为焗猪控既我梗系试试呢度既焗猪扒饭啦！瑞士鸡髀出名又叫左一只，同埋叫左杯咸柠七。焗猪扒饭写到明制作需时，所以先上枱既系瑞士鸡髀，一上枱已经闻到好香，大大只既鸡髀浸系瑞士汁上面，鸡髀皮薄肉嫰，一切落去睇到啲汁流出黎，好juicy。一啖咬落去，已经食到瑞士汁果然系楼下冰室既得意之作，汁咸得黎有啲甜，系真系既瑞士汁比到既感觉。鸡髀淡淡肉好好味，完全唔会好似其他餐厅既卤水咁会整到overcook，呢只鸡髀真系色、香、味俱全。最后上枱既就系等左差唔多10分钟既焗猪扒饭，果然美好既野都系需要等待既，猪扒、茄酱、炒饭底夹得好完美，猪扒已经预先切好，一拮落去就食得唔洗切，另外呢个焗猪扒饭我加分既地方系佢冇落到菠萝，我唔系咁钟意系焗饭入面有生果，所以我又加左分。食饱饱饮埋杯咸柠七就令个午餐画上完美句号。