一哥點心 (已結業)

原只大虾烧卖啲虾都几大只，同埋阵虾味都几吸引，每次来到都喺必叫嘅嘢。今次食呢个蜜汁叉烧肠有啲失望，叉烧味唔喺好够，叉烧又有啲干，幸好肠粉都滑，同埋食落唔觉好甜。原笼章鱼肉饼饭啲章鱼味几浓，可以遮晒我唔中意嘅猪肉味，食到肥猪肉嘅次数喺零，呢点我觉得非常正，成盅饭用荷叶包住蒸，啲饭吸收咗啲荷叶味，再加上啲饭嘅黏度，真喺好似食紧糯米饭，超级好味。来过几次我都无叫过彩虹椰汁糕，今次就特登来试下，啲椰汁味都够嘅，椰汁糕上面仲有一层略带酸味嘅jelly，有啲似杂果宾治啲味。