來多碗車仔麵 (民裕街)

营业中

休息中

又到星期日周围揾嘢食的时候，在门口见到个名几吸引，便来食碗车仔面。呢间面档装修简单但十分干净，入门口先点嘢食后比钱才揾位坐低，佢哋会将食物及饮品送过嚟，服务态度好，此类小店比较少见。我先来一碗三𩠌面（猪红、墨鱼丸及菜肉饺）配红薯粉，一般其他面店红薯粉都要加钱，呢度唔使加钱，墨鱼丸几弹牙，份量亦唔细。阿仔便来碗四𩠌河粉（牛腩、猪红、猪肠及牛肚），猪肠好淋入味，牛腩亦高质素，加佢哋嘅辣酱，十分开胃。另外试了一个特别的饮品，冰啡乐（咖啡+可乐），好少地方有供应，饮落好特别，有层次，苦中有甜，咖啡带气，好配搭。