星巴克咖啡 (已結業)

香橙罂粟籽蛋糕 Orange Poppy Seed Loaf Cake ($21)蛋糕湿润唔干，其实蛋糕唔觉有橙味，不过里面有大量橙皮粒，有韧性咬口有微酸橙味，几正；顶层有一片白朱古力的，不过白朱古力味唔太出，相信罂粟籽系冇味的吧？但咬落有微粒脆感都几得意，呢件蛋糕几好食。双重碎朱古力蛋糕 Double Chocolate Chip Loaf Cake ($21)朱古力蛋糕味已一算浓郁，再加上蛋糕内外都有碎朱古力，蛋糕湿润又唔甜，ＯＫ㖞！芝士通心粉焗锅 GPMacaroni and Cheese ($55)贵！不过系正嘅！面层有６块㶶脆肠好味，里面充满芝士白汁，短身通粉吸收热辣辣白汁一齐食更正，通粉咬度啱啱好。抹茶栗子蛋糕 Green Tea Chestnut Loaf Cake ($21)蛋糕质感湿润，非常有抹茶味更带点抹茶苦添，又估唔到抹茶加栗子配搭都几好，又饱肚。