Mango Tree Kitchen (形點) (已結業)

每次经过都见到有人等紧位，周日特登同朋友约早啲，点知六点半来到都要等位！好彩，等十分钟左右就可以入座 餐厅环境新簇簇，座位尚算舒适，如果櫈下有篮可以摆袋当然更好啦，无就唯有摆喺沙发位隔离。陈设装修都几有东南亚色彩，唔错唔错两个人唔系好肚饿，点左泰式大虾炒金边粉、招牌冬荫功同青芒果软壳蟹沙律。金边粉OK，啲虾好弹牙！最正系配左个辣椒鱼露，洒几滴落啲金边粉真系宁舍醒胃。招牌冬荫功虽然写住两位用，但我地两个每人可以饮到两三碗，主要原因系因为好足料，大头虾真系好大  个汤既味道好有层次，先酸后辣，而且辣味既后劲都几凌厉，回味 三道菜之中最钟意青芒果软壳蟹沙律，软壳蟹外脆内实，谂佢唔到都几厚肉，仲有少少膏香味。而个青芒果沙律够爽口，酸咪咪得嚟好好好辣，辣得好过瘾呀！个人认为必点推介竟然系一个饮品——CHOCO CHA CHA  泰式茶加朱古力浆，哩个组合好特别，茶味浓之余又同个朱古力浆好夹㖞，上面仲有滑溜CREAM同一块OREO，口感层次好丰富呀！我决定以后来帮衬都必定要点哩个饮品！！！最后以斑兰千层糕作结，千层糕口感太烟UN，唔系我杯茶，所以不多作介绍喇。