The Chop House (已結業)

食过楼下Jamie Oliver 甚为失望。今日就黎一层之隔既the chop house 睇下乜环境。天口未热。就梗系坐下勾多牙。欢乐时光到八点。剩返八分钟就唔好谂叫杯cider啦。Draught 半liter只系五十。够抵饮。系来chop house那用刀？屠场饮强弓。真系够黄够暴力。唔系好饿就先叫个蓝贝食下。系街食呢个真系高风险。唔系比大青口比你又唔系过熟硬过擦子胶又唔系得个壳啲肉瘦到睇唔到。呢到既系极出色！！！肉身饱满。刚刚开壳。极度鲜甜嫩口。伴上带杂菜小粒既汤汁。瞬间清碟。强烈推介！同时亦都呼吁乜都要熟透同以为青口应该系擦子胶口感既人千祈唔好叫同唔好唔听叫完之后话唔熟叫厨房整熟啲。因为咁系对个厨同咁多只蓝贝既唔尊重！咁黎屠房总要食啲肉既系咪。就叫个medium patty melt burger。对不起主角被抢镜了。包烘得香。洋葱都焦糖化了。汉堡扒肉汁油香都丰富。可是就不够那薯波吸引。完全系细个果时既口感同味道。薯饼般既表面。粒粒细细薯粒在内。比汉堡更抢手。