德成巷仔 (已結業)

嚟茶记，最紧要多肉小菜，多汁多饭，同最紧要碗例汤。哩碗青红萝卜汤清，味道适中。老干妈系我最爱嘅辣椒油之一，见到哩个老干妈豆卜蒸鸡唔系唔叫呀嘛？鸡件嫩温无雪味，豆卜略为硬身少少。豉油味有，有少少好少辣味，仲唔知点解有梅子味，就系无老干妈。朋友落完单话，唔记得叫佢少汁。我心谂多汁唔系几好咩？上枱就知，因为哩度嘅汁系唔系叫都多到水浸咁。凉瓜火腩饭，系豆豉汁底嘅，唔系太钟意佢太多芡，杰挞挞。火腩肉竟然系嫩口𠮶只，一啲都唔干唔鞋。凉瓜半脆，如果多啲凉瓜就好了。